Zatù 1:6 - Manobo Western Bukidnon OT

⁶ Mibpelaǥuy si Adoni Bezek, piru midal-as sikandin te menge Israilihanen ne nezekepan dan sikandin, ne midtamped dan is menge tindezekelà te menge velad din wey menge paa zin.

Zatù 1:6 ပူးပေါင်းရင်းမြစ်များ

Ester 8:12

Ne ebeelan heini te menge Judio ziyà te langun he menge prubinsya he sakup te ginhedian ni Hadì Ahasuerus seled dà te senga andew he iyan is ike-13 he andew zutun te ike-12 he vulan he iyan kes migngezanan te vulan he Adar.

Salmo 107:40

Mibpendezeisey te Megbevayà is menge midaagdaag kandan pinaaǥi te kedtezina zin kandan diyà te disirtu he wazà duen menge zalan.

Salmo 149:8

te kebekusa te menge hadì wey menge pengulu zan,

Salmo 59:11

Piru hunaa nu sikandan resaya ne human nu himetayi su para kenà egkelipatan te menge etew ku is paaǥi nu te kedsilut te menge kuntada nu. He Nengazen he iyan layun ebpengalang kenami, tezina nu wey zèdeeti nu is menge kuntada ku pinaaǥi te ǥehem nu.

Exodus 14:26

Hein nekelayun en is menge Israilihanen, migkaǥi is Nengazen diyà te ki Moises te, “Ketenga nu is belad nu ziyà te zivavew keniyan te zaǥat su wey mekedlikuey heeyan is daǥat su wey mengelened is menge Ehiptohanen, wey mengelened heeyan is menge kerwahi zan wey heeyan is menge pereuntud te kudà.”

Exodus 21:24

Is ebpekezezaat te mata te zuma zin edezeetan daan is kandin he mata, is ebpekesepù te ngipen te zuma zin edsepuan daan, is ebpekezezaat te velad te zuma zin edezeetan daan is kandin he velad, is ebpekezezaat te paa te zuma zin edezeetan daan is kandin he paa.

Exodus 29:20

Ne himetayi nu haazà, ne kuwa ka te lengesa zutun ne izazas nu ziyà te kewanan he telinga ni Aaron wey kewanan he telinga zuen te menge anak din he maama, wey kewanan he tindezekelà te menge velad wey paa zan. Ne piriki nu te lengesa sikan is peliǥuy zuen te pemuhatà.

Jeremias 34:17

“Umbe siak, is Nengazen, migkaǥi a te geina te wazà a keniyu pezumdumahi su wazè niw veǥayi te vayàbayà is menge uripen niw he iring niw he Hebriyuhanen, ebeǥayan ku sikiyu te vayàbayà he ebpematey pinaaǥi te tebek, bitil, wey menge zaru. Tenged te egkeulaula keniyu egkelimezangan is langun he ginhedian kayi te kelibutan.

Jeremias 50:15

Kulahì kew en te egkezineg minsan hendei! Ahàa niw man! Midsurindir en is Babilonia! Nengerundus en is menge turi zin ne nengewaǥey en is menge verengbeng din. Ne penimales heini te Nengazen kandin. Umbe velesi niw sikandin ne veeli niw ziyà te kandin is mibeelan din diyà te zuma.

Josue 15:16

Migkaǥi si Caleb te, “Ibpeesawa ku is anak ku he si Acsa te etew he ebpekaaǥew te Kiriat Sefer.”

Zatù 1:7

Migkaǥi si Adoni Bezek te, “70 he hadì is mibpenamped ku is tindezekelà te menge velad dan wey menge paa zan, ne nekepengimù sikandan te menge mumu ziyà te zizalem te lemisahan ku. Ne ǥuntaan mibeelan te Megbevayà kayi te kedì is mibeelan ku ziyà te kandan.” Mid-uwit dan sikandin diyà te Jerusalem ne ziyè en mebpatey.