Zatù 1:20 - Manobo Western Bukidnon OT

²⁰ Ne ǥeina te iyan insaad ni Moises, imbeǥey ki Caleb is Hebron. Midsegseg ni Caleb is tetelu he pemilya he menge meǥinged kayi he lugar he menge kevuwazan ni Anak.

Zatù 1:20 ပူးပေါင်းရင်းမြစ်များ

Numero 13:22

Mibpuun sikandan diyà te Negev taman te nekeuma zan diyà te Hebron, he zutun ed-ubpà si Ahiman, si Sheshai, wey si Talmai, he menge kevuwazan ni Anak. (Heini is Hebron pitu en he tuig is kebenguna zuen human pa mevangun is Zoan diyà te Ehipto).

Numero 14:24

Piru nekeviza mulà kandan is suluǥuen ku he si Caleb su mibpezumazuma mulà kedì te ebpuun diyà te gehinawa zin, umbe ibpeseled ku mulà duen te tanà he mibeeyaan din, ne ebpekeubpà daan is menge kevuwazan din dutun he tanà.

Josue 10:36

Ne midtekezeg si Josue wey is menge Israilihanen diyà te Hebron ne midlusuzan dan heini.

Josue 11:21

Dutun daan he timpu, midsurung ni Josue is menge kevuwazan ni Anak he meǥinged diyà te menge vuvungan te Hebron, Debir, Anab, wey is diyà te langun he menge vuntud he nesakup guntaan te Juda wey Israel. Midèdeetan ni Josue sikandan is langun ragkes is menge inged dan.

Josue 14:15

Dengan Kiriat Arba is ngazan te Hebron, su tedeman ki Arba te utew nevantug he kevuwazan ni Anak. Dutun he timpu neengked is tebek diyà te tanà te menge Israilihanen.

Zatù 1:10

Midsurung dan daan is menge Canaanhen he meǥinged diyà te Hebron (he iyan nehuna he ngazan din is Kiriat Arba), ne midhimetayan dan si Sheshai, si Ahiman, wey si Talmai.