Hein ikewalu he vulan te ikezuwa he tuig te kedhadì ni Darius diyà te Persia, duen migkaǥi te Nengazen diyà te ebpeneuven he si Zacarias. Heini si Zacarias, anak ni Berekia wey apù ni Ido.
Duen migkaǥi te Nengazen diyà te ki Zacarias hein ikeepat he andew te vulan he Kislev (he iyan ikesiyam he vulan te tuig), dutun te ikeepat he tuig te kedhadì ni Darius.
Migkaǥi en maan is Nengazen he Mekeǥeǥehem diyà te ki Zacarias te, “Utew ku ingkeipeng is Jerusalem. Ne tenged te zekelà he ipeng ku kayi he inged, utew ku nepeuki is menge kuntada zin.
