Zacarias 11:9 - Manobo Western Bukidnon OT

⁹ Ne migkeǥiyan ku is menge kerehidu te, “Kenà ad ed-atur keniyu. Belaǥad en ke ebpatey is hapit en ebpatey wey ke mezeeti is hapit en egkezeeti. Ne is egkengesamà, belaǥad en ke mebpekèkeenà is kada sevaha.”

Zacarias 11:9 ပူးပေါင်းရင်းမြစ်များ

Jeremias 19:9

Edliǥuyan heini he inged su edhimetayan is meǥinged kayi te menge kuntada zan. Egkeeminan is menge meǥinged duen te keenen. Umbe, egkeenen dan en is duma zan he etew, minsan is menge anak dan.’ ”

Jeremias 23:33

“Jeremias, emun ed-insà diyà te kenikew heini he menge etew, etawa ebpeneuven, etawa memumuhat ke hengkey is menge lalag ku, ne keǥiyi nu sikandan he iyan migkaǥi ku is inselikwey ku sikandan.

Jeremias 23:39

edlipatan ku en sikew ne edsegseǥen ku sikew puun te etuvangan ku. Ne ebey-anan ku heini is inged he imbeǥey ku te menge kepuun niw.

Jeremias 43:11

Edsurungen din is Ehipto ne ebpematey is imbanglis kandan is kebpatey pinaaǥi te kezeetan, ne ebihaǥen is imbanglis kandan is ebihaǥen, wey ebpematey pinaaǥi te espada is imbanglis kandan is kebpatey pinaaǥi te tebek.

Ezekiel 5:10

Egkeenen te menge ǥinikanan is menge anak dan, ne egkeenen te menge anak is menge ǥinikanan dan. Edsilutan ku iyan sikiyu, ne is egkesamà keniyu ibpeyapat ku kayi te tivuuk he kelibutan.

Hoseas 4:6

“Egkengezeetan is menge etew ku su ǥeina te kurang dan te keuluwanen mehitenged kediey. Su sikiyu mismu is menge memumuhat inselikwey niw is paaǥi te kegketau mehitenged kedì, umbe idselikwey ku en daan sikiyu is menge memumuhat ku. Midlipatan niw is Kesuǥuan ku, umbe edlipatan ku zaan is menge anak niw.

Zacarias 13:8

Ebehinen te tetelu he vahin is menge etew kayi te tivuuk he tanè he Israel. Ebpatey is dezuwa he vahin.