Zacarias 1:7 - Manobo Western Bukidnon OT

^7-8 Siak, si Zacarias, duen migkaǥi te Nengazen kayi te kedì pinaaǥi te mibpelewasan din. Nehitavù heini hein mezukilem te ike-24 he andew te vulan he Shebat (he iyan ike-11 he vulan), hein ikezuwa he tuig te kedhadì ni Darius. Ne iyan heini pahayag ni Zacarias: Neehè ku is sevaha he etew he ed-untud te meriǥà he kudà. Mibpundu sikandin diyà te teliwazà te menge kayu he mirtu ziyà te suǥud. Diyà te egkehuziyanan din, duen menge etew he ebpemen-untud te meriǥà, iring te kaki, wey meputì he menge kudà.

Zacarias 1:7 ပူးပေါင်းရင်းမြစ်များ

Zacarias 1:1

Hein ikewalu he vulan te ikezuwa he tuig te kedhadì ni Darius diyà te Persia, duen migkaǥi te Nengazen diyà te ebpeneuven he si Zacarias. Heini si Zacarias, anak ni Berekia wey apù ni Ido.

Zacarias 1:6

Piru nehitavù diyà te menge kepuun niw is migkaǥi ku wey is menge petizaan he impekaǥi ku te menge suluǥuen ku he menge ebpemeneuven. Ne mid-iniyug te mezaat is menge kepuun niw he ke sikandan te, ‘Midsilutan kiw te Nengazen he Mekeǥeǥehem te ereg he vales te menge vaal tew, sumalà te pelanu zin.’ ”