Zacarias 1:2 - Manobo Western Bukidnon OT

^2-3 Is Nengazen he Mekeǥeǥehem, midsuǥù din si Zacarias he keǥiya zin heini ziyà te menge etew te Israel: “Nepeukan ku utew is menge kepuun niw. Ne ǥuntaan likù kew kayi te kediey ne edlikù a ziyà te keniyu.

Zacarias 1:2 ပူးပေါင်းရင်းမြစ်များ

2 Hadì 22:19

Mibpemineg ku is pengemuyù nu tenged te kedsendit nu wey kebpekevevaa nu te keugelingen nu ziyà te etuvangan ku hein nezineg nu is migkaǥi ku he ebpekesuǥat kayi he lugar wey te menge meǥinged kayi, he edrewakan wey edezeetan heini he lugar. Mibindas nu is kumbalè nu wey midsineǥew ka ziyà te etuvangan ku su nekedsendit ka. Umbe siak is Nengazen migkaǥi a te,

2 Hadì 23:26

Piru minsan pa te iyan heini, wazà gihapun maawà is kegkepeuki te Nengazen te menge tig-Juda, tenged te langun he mibeelan ni Manase he utew zin ingkepauk.

Ezra 9:13

Midsilutan key kenikew, Megbevayè dey, tenged te menge salè dey. Piru is silut nu kenami, kenè en ereg he vayad te salà he nehimu zey, ne intuǥut nu pa he zuen mesamà he uuyag kenami.

Salmo 60:1

He Megbevayà, mid-engkezan key kenikew ne ketau nu is kegkezaaǥa kenami. Nepeukan key kenikew, ne ǥuntaan seǥipaa key en.

Jeremias 32:23

Naangken dan heini piru wazè dan medtuman te kesuǥuan nu. Wazè dan beeli is langun he ebpeveelan nu kandan. Umbe impaaǥi nu ziyà te kandan heini is kezeetan.

Jeremias 44:6

Umbe, impeǥezaman ku kandan is beǥas te utew ku kegkepauk. Henduen be heini te hapuy he mid-epur te menge inged diyà te Juda wey Jerusalem, ne nehimu heini he mekevulungbulung he menge lugar taman en guntaan.

Penhulùhulù 5:7

Mibaal te salà is menge kepuun dey he nemematey en guntaan, ne iyan key nerasey tenged te salè dan.

Ezekiel 22:31

Umbe, ebpeǥezaman ku kandan is utew ku kegkepauk. Edezeetan ku sikandan tenged te mibeelan dan. Iyan a, is Nengazen he MEGBEVAYÀ, is migkaǥi kayi.”

Ezekiel 8:18

Umbe, ibpeǥezaman ku kandan is pauk ku. Kenè ku sikandan egkehizuwan. Minsan ikulahì dan pa te mezaǥing is kebuyù dan te tavang kayi te kediey, ne kenè ku sikandan ebpemineǥen.”

Zacarias 1:15

piru utew ku nepeuki is menge meǥinged diyà te menge nasyun he ebpeeyehey zà. Dengan kenè ded utew zekelà is pauk ku kandan, piru mid-unduran dan heini.

Zacarias 7:12

Impemezesen dan is gehinawa zan iring te vatu, ne wazè dan mebpemineg te Kesuǥuan wey te menge lalag he impekaǥi te Mulin-ulin ku pinaaǥi te menge ebpeneuven dengan. Umbe siak, is Nengazen he Mekeǥeǥehem, utew a nepauk.

Zacarias 8:14

Migkaǥi pa is Nengazen he Mekeǥeǥehem, “Hein midhimu te menge kepuun niw he mepauk a, nekehukum a he edsilutan ku sikandan wey kenè ku egkehizuwan.