Solomon 7:5 - Manobo Western Bukidnon OT

⁵ Is ulu nu iring is kekempet din te kekempet te Buntud he Carmel. Is bulvul nu iring te utew mahalen he manggad. Utew nesuati te hadì is kempet kayi.

Solomon 7:5 ပူးပေါင်းရင်းမြစ်များ

Genesis 32:26

Ne zutun migkaǥi haazà is etew te, “Lekai a kenikew su egkepawè en.” Ne midtavak si Jacob te, “Kenè ku sikew edlekaan emun kena a kenikew ebpenubtuvazan.”

Salmo 68:24

He Megbevayà wey Hadì ku, egkaahà te langun is kedsilibraha te menge etew nu te kezeeǥan nu pinaaǥi te kedhendiyè dan te valey nu.

Erubasa 5:19

Mekempet sikandin wey ebpekahalin te ǥehinawa su iring is kekempet din te nati he selazeng, umbe zeyzey ke mewili ka kandin wey layun nu egkeisip is kebmahal zin.

Solomon 1:17

he egkelembungan te menge kayu he sidru wey sipris.

Solomon 4:1

Utew ka iyan mekempet is pelanggè ku. Is menge mata nu he netembunan te lembung nu ne henduen be te menge mata te merepatik. Is bulvul nu henduen be te menge sengeleyuzan he kambing he edtupang puun te Buntud he Gilead.

Solomon 4:4

Is lieg nu henduen be te turi ni David he utew mekempet is kebenguna zuen. Mibelieǥan heini te henduen be te utew mahabet he kelasag te menge sundaru.

Solomon 5:11

Edhuna pa he mevali is ulu zin kenà te vulawan. Mekurkuruten is bulvul zin ne iring keitem te uwak.

Isaias 35:2

Iring heini te etew su egkanta zaan wey ed-ugyab te kegkelipey, ne ebpemekar is mahabet he menge vulak kayi. Ne egkehimu heini he mekempet iring te Buntud he Lebanon. Ne uuzaran heini iring te pemuleey iring te Carmel wey Sharon. Ne egkaahà dutun is gehem wey utew kegkelavew te Nengazen he Megbevayè tew.

Micas 7:14

Mid-ampù is menge Israilihanen diyà te Nengazen he ke sikandan te, “Ventayi key is menge etew nu he migaked nu, te iring te kebantey te perevantey te menge kerehidu. Is menge tanà diyà te peliǥuy zey ne zekelà is egketabtab duen, piru sikami nengungubpaan key kayi te sibsivayan he iyan key zà. Ipeuman nu ipemeluag is tanè dey taman te Bashan wey Gilead iring te nehuna he timpu.

Numero 21:26

Dengan, heini is Heshbon iyan lavew he inged ni Sihon te hadì te menge Amorihanen. Nezaag din dengan is sevaha he hadì te Moab ne mid-aǥew zin is langun he tanà duen te hadì taman te Arnon.