Solomon 7:4 - Manobo Western Bukidnon OT

⁴ Is lieg nu iring te turi he iyan inhiman duen is menge ungal te ilipanti. Is menge mata nu iring ketingew te pemeziǥuey ziyà te Heshbon, he ziyà te gemawan te Bat Rabim. Is izung nu iring kekempet te turi ziyà te Lebanon he nekesinaru ziyà te Damascus.

Solomon 7:4 ပူးပေါင်းရင်းမြစ်များ

Genesis 15:2

Ne midtavak dutun si Abram te, “Sikew is Nengazen he Megbevayà, wazà igkeveǥey nu kediey he ibmeupiya te ǥehinawa ku su kenè bes egkehimu he egkevuwad a, ne iyan ebpekepengevilin te menge azen ku si Eliezer he tig-Damascus.”

2 Samuel 8:6

Mibpevaal si David te menge kampu ziyà te Damascus, he lugar te menge Aramihanen. Ne nehimu en he nesakup din sikandan, ne ebayad dan te vuhis diyà te kandin. Impezaag si David te Nengazen, minsan hendei sikandin ebpevayà is ebpekidtebek.

1 Hadì 10:18

Mibpevaal zaan haazà is hadì te zekelà he pinuuwà te kedhadì. Mid-epizan haazà te lunsey he vulawan he ungal te ilipanti is indayandayan duen.

1 Hadì 10:22

Duen daan menge varku ni Solomon he para te petiǥayun he ebiyahi zuma te menge varku ni Hiram. Heini he menge varku kesevaha ed-ulì kada tetelu he tuig, he ed-uwit te menge vulawan, menge pelata, menge ungal te ilipanti, wey zezekelà wey zezeisey he kelasi te menge uval.

1 Hadì 22:39

Is duma pa he ǥuǥud mehitenged te kedhadì ni Ahab, wey is langun he mibeelan din, ragkes is kebpehitindeg din te mekempet he turuǥan, wey keberengberenga zin te menge inged, ne ingkesurat diyà te Libru he Midsuratan te menge Keguǥuza te menge Hadì te Israel.

1 Hadì 7:2

Sevaha zuen te menge vilding ni Solomon is migngezanan te Ketelunan te Lebanon. Ne 150 he ǥiek is keleyatan kayi, ne 75 he ǥiek is keluaǥan din, ne 45 he ǥiek is ketikang din. Heepat he linya is menge tukud kayi he menge kayu te sidru; 15 is kada linya. Ne kayi ipikit is 45 he kayu he menge pepesanan he zutun ipikit is kisami he kayu he sidru.

1 Hadì 9:19

wey is langun he menge inged he zutun is menge budiga zin, menge kerwahi wey menge kudè din. Midtukud din is langun he egkesuatan din te edtukud diyà te Jerusalem, Lebanon wey te langun he nesakup din he tanà.

2 Cronica 8:6

Iyan daan heini mibeelan din diyà te Baalat wey te zuma pa he menge inged he zutun is menge budiga zin, menge kerwahi wey menge kudè din. Midtukud din is langun he egkesuatan din te edtukud diyà te Jerusalem, Lebanon wey te langun he tanà he sakup din.

Salmo 144:12

Berakat he is menge anak dey he maama, te vetan-en dan pa ne meiring sikandan te pinemula he mehinuvù. Henduen ded daan is menge anak dey he vahi su iyan maan meiringi zan is menge tukud he mekempet diyà te turuǥan.

Salmo 45:8

Is bisti nu mehemut te pehemut he mira, aloe, wey kasia. Edlenganen ka te menge musikiru te menge gelemiten te kedtukar he ziyà te seled te turuǥan nu, ne haazà he turuǥan, mahal is indayandayan duen.

Solomon 1:10

Utew mekempet is dagwey nu he mid-iseg mebmekempet tenged te menge eritis nu. Mekempet is lieg nu he mibelieǥan.

Solomon 4:1

Utew ka iyan mekempet is pelanggè ku. Is menge mata nu he netembunan te lembung nu ne henduen be te menge mata te merepatik. Is bulvul nu henduen be te menge sengeleyuzan he kambing he edtupang puun te Buntud he Gilead.

Solomon 4:4

Is lieg nu henduen be te turi ni David he utew mekempet is kebenguna zuen. Mibelieǥan heini te henduen be te utew mahabet he kelasag te menge sundaru.

Solomon 4:5

Is dezuwa he susu nu henduen be te sereping he nati te kuleping he ebpenabtab diyà te zuen duen menge liryu.

Solomon 6:5

Kenà a kenikew tengtengi su henduen be te egkereney a tenged kenikew. Is bulvul nu henduen be te sengeleyuzan he kambing he edtupang puun te Buntud te Gilead.

Isaias 54:4

Kenè ka mahandek su kenè ka egkepeel-elezan. Egkelipatan nu is kegkeeled-eled nu hein betan-en ke pa wey is kegkevalu nu.