Solomon 7:2 - Manobo Western Bukidnon OT

² Is pused nu iring te tasa he layun din duen taǥù he metaam he vinu. Is hawak nu iring te vinagkes he trigu he neliǥuy te menge liryu.

Solomon 7:2 ပူးပေါင်းရင်းမြစ်များ

Salmo 45:16

Mahal he Hadì, is menge kevuwazan nu he menge maama egkengehimu zaan he hadì he iring te menge kepuun dan. Ne edhimuwen nu sikandan he menge pengulu te tivuuk he tanà.

Erubasa 3:8

Iring heini te tambar he ibmeupiya te lawa nu.

Solomon 5:14

Is menge vekelawan din, ne henduen be te kebilya he vulawan he zuen duen mahalen he menge vatu. Is lawa zin henduen be te impesinew he ungal te ilipanti he nezeyzeyanan te menge vatu he sepiru.

Solomon 7:1

He vahi he dungganen, utew iyan mekempet is menge paa nu he zuen duen menge sandalyas. Meupiya is kegkepurma te menge vuvun nu. Henduen be heini te menge elahas he mibeelan te utew metau he mememaal.

Solomon 7:3

Is menge susu nu henduen be te sereping he nati te kuleping.

Isaias 46:3

Pemineg kew kediey is menge kevuwazan ni Jacob, wey sikiyu is langun he nesamà he menge etew te Israel. Mid-atur ku sikiyu puun pa te kegkeetew niw.

Jeremias 1:5

“Hein wazè ku pa sikew purmaha ziyà te ǥetek te iney nu, mibpilì ku en sikew. Te wazè ke pa meetew, insivey ku en sikew. Mibpilì ku sikew he ebpeneuven ku wey ka mehimu he perekaǥi ziyà te menge nasyun.”