Solomon 4:3 - Manobo Western Bukidnon OT

³ Is bivig nu henduen be te kanggan he ribun. Utew iyan heini mekempet. Is enaping nu he netembunan te lembung nu ne henduen be te meriǥàriǥà he prutas he pumigranata.

Solomon 4:3 ပူးပေါင်းရင်းမြစ်များ

Genesis 32:10

Ne siak is suluǥuen nu, kenà a zait te zekelà he ǥaǥew nu kediey he kenà egkaamin. Dengan hein midrapas a kayi te wahig he Jordan su edhendiyà a te ki Laban ne iyan dà naazen ku zutun is tuked ku. Ne ǥuntaan utew mezakel is menge azen ku su egkehimu he ebehinen te zezuwa he vahin.

Ezra 9:6

Ke siak te, “Megbevayè ku, utew a neeled. Ebpekezuzungul a tenged te kegkeeled ku su utew zekelà is menge salè dey; henduen be te nelapew key en kayi wey nekeume en diyà te langit.

Salmo 119:13

Edliklikuan ku te egkaǥi is menge suǥù nu he imbeǥey nu.

Salmo 37:30

Hustu is menge lalag te metazeng ne egkezumahan te ketau.

Salmo 45:2

Mahal he Hadì, iyan ka utew mezagwey te langun he menge maama, ne is menge lalag he egawas diyà te vèbè nu ebpekeveǥey te keupiyaanan te zuma he etew, su ǥeina te layun ka edtuvazi te Megbevayà.

Erubasa 10:13

Duen menge meupiya he penurù he egkekuwa ta ziyà te menge lalag te etew he metau, iyan, is engey ereg he ebmensuwen etawa edsilutan.

Erubasa 31:26

Emun egkaǥi sikandin ne egketuusan ta he uluwanen sikandin, ne meelima sikandin he ebpenurù.

Solomon 1:5

Menge vahi ziyà te Jerusalem, meitem a iring te tulda ziyà te Kedar, piru mekempet a iring te menge kurtina ziyà te turuǥan ni Solomon.

Solomon 4:11

Henduen be te teneb is keemis te menge hazek nu, minahal ku. Uya, is dilè nu henduen be te zuen duen teneb wey gatas. Is kehemut te kumbalè nu ne iring kehemut te kayu he sidru ziyà te Lebanon.

Solomon 5:13

Is enaping din mehemut iring te pemuleey he neeneb te menge pinemula he ebeelan he pehemut. Is menge bivig din henduen be te menge liryu he edtudà duen is mira.

Solomon 5:16

Meupiya he edhezekan is bivig din, ne utew sikandin mekempet. He menge vahi te Jerusalem, iyan sikandin minahal ku; iyan sikandin emiǥu ku.

Solomon 6:7

Is enaping nu he netembunan te lembung nu meriǥàriǥà iring te prutas he pumigranata.

Solomon 7:9

Is menge hazek nu iring is keemis din te kinemeupiyahan he vinu. Heini he vinu ednaneynaney edtudà diyà te menge vivig wey ngipen te minahal ku.

Ezekiel 16:63

Egketenuzan nu is menge salè nu ne egkeeled ka, ne kenè ke en ebpekekaǥi tenged te utew nu kegkeeled emun ebpeseyluwen ku en sikew tenged te langun he mibeelan nu. Iyan a, is Nengazen he MEGBEVAYÀ, is migkaǥi kayi.”

Leviticus 14:4

ebpekuwa haazà is memumuhat te zezuwa he tagbis he lumpiyu he uuyag, sengetamped he kayu he sidru, merudtem he hulibis, wey senge verakes he hisupu.

Leviticus 14:6

Ne egkuwaan din sikan is sevaha pa he uuyag he tagbis, kes kayu he sidru, kes merudtem he hulibis wey kes hisupu, ne ibpevudseng din haazà is langun duen te wahig he zuen duen lengesa te tagbis he midhimetayan.

Numero 19:6

Ne egkuwa si Eleazar te tamped te kayu he sidru, sengerupung te pinemula he isupu, wey meriǥà he hiket ne idtimbag heini is langun dutun te ebinsulan he vaka.

Numero 4:8

Ne kegkepasad dutun edtembunan dan heini te manggad he kanggan, ne ed-umanan dan pa heini edtembuni te meupiya he kelasi he lundis, ne idtaud dan is menge tival kayi.

Josue 2:18

Piru kinahanglan he ebeelan nu zaan heini: Emun edsurung key en kayi te tanè niw, ihiket nu heini is meriǥà he pisì diyà te sulawà he mibpeveyaan nu kenami wey key mekepenaug. Ne tiǥuma nu kayi te valey nu is amey nu, iney nu, menge suled nu, wey is langun he pemilya zan.