Solomon 4:1 - Manobo Western Bukidnon OT

¹ Utew ka iyan mekempet is pelanggè ku. Is menge mata nu he netembunan te lembung nu ne henduen be te menge mata te merepatik. Is bulvul nu henduen be te menge sengeleyuzan he kambing he edtupang puun te Buntud he Gilead.

Solomon 4:1 ပူးပေါင်းရင်းမြစ်များ

Salmo 45:11

su utew ka nesuati te hadì tenged te kekempet nu. Tehuza nu sikandin su egalen nu sikandin.

Solomon 1:15

Utew ka mekempet is pelanggè ku. Mekempet he ed-ahaan is menge mata nu, iring te menge mata te merepatik.

Solomon 2:10

Migkaǥi sikandin kayi te kedì te, “Hendini kad is pelanggè ku. Duma ka kedì, is minahal ku he utew mekempet.

Solomon 2:14

Iring ka te merepatik he ed-eles diyà te vudsi te kelendiǥan. Ipeehè nu kediey is mekempet he zagwey nu wey ipezineg nu kedì is menayù he laǥeng nu.

Solomon 6:5

Kenà a kenikew tengtengi su henduen be te egkereney a tenged kenikew. Is bulvul nu henduen be te sengeleyuzan he kambing he edtupang puun te Buntud te Gilead.

Solomon 6:7

Is enaping nu he netembunan te lembung nu meriǥàriǥà iring te prutas he pumigranata.

Solomon 7:5

Is ulu nu iring is kekempet din te kekempet te Buntud he Carmel. Is bulvul nu iring te utew mahalen he manggad. Utew nesuati te hadì is kempet kayi.

Jeremias 22:6

Iyan heini migkaǥi te Nengazen bahin duen te turuǥan te hadì te Juda: “Diyà te kediey iring is kekempet kayi te kekempet te Gilead etawa puntur te vuntud he Lebanon. Piru siguradu he edhimuwen ku heini he disirtu, iring te inged he wazà duen ed-ubpà

Ezekiel 16:14

Nevantug ka ziyà te menge nasyun tenged te utew nu kekempet he imbeǥey ku kenikew. Iyan a, is Nengazen he MEGBEVAYÀ, is migkaǥi kayi.

Micas 7:14

Mid-ampù is menge Israilihanen diyà te Nengazen he ke sikandan te, “Ventayi key is menge etew nu he migaked nu, te iring te kebantey te perevantey te menge kerehidu. Is menge tanà diyà te peliǥuy zey ne zekelà is egketabtab duen, piru sikami nengungubpaan key kayi te sibsivayan he iyan key zà. Ipeuman nu ipemeluag is tanè dey taman te Bashan wey Gilead iring te nehuna he timpu.

Numero 32:1

Is tribu ni Reuben wey ni Gad duen dan utew mezakel he menge uyaǥen. Umbe hein neehè dan he meupiya he lugar para te menge uyaǥen is tanà diyà te Jazer wey Gilead,

Numero 32:40

Umbe, imbeǥey ni Moises is Gilead diyà te menge kevuwazan ni Makir, he menge kevuwazan daan ni Manase ne zutun dan en med-ubpà.