Solomon 2:4 - Manobo Western Bukidnon OT

⁴ Midume e zin diyà te kebibuwan su wey maahà te langun ke sengemenu is kebmahala zin kediey.

Solomon 2:4 ပူးပေါင်းရင်းမြစ်များ

Ester 7:7

Ne zutun midhitindeg haazà is hadì tenged te utew zin kegkepauk. Mid-ewaan din is binu he ed-inumen din ne midhendiyà sikandin te pemuleey ziyà te turuǥan. Piru mibpetaǥak si Haman ne mibpehizuhizu sikandin ki Rayna Ester su netuenan din he siguradu he edsilutan sikandin te hadì.

Job 1:10

Idlikey nu te kezeetan sikandin wey is pemilya zin, ragkes en is langun he menge azen din. Edtuvazan nu is langun he ebeelan din, umbe mibmahabet is menge uyaǥen din diyà te tivuuk he tanà.

Salmo 20:5

Ed-ugyab key tenged te kezeeǥan nu, ne edsilibra key he edalig te Megbevayè tew. Berakat he iveǥey te Nengazen is langun he ebuyuen nu.

Salmo 60:4

Piru sikami is edtahud kenikew, ebpetizeenan key kenikew su wey key mekelikey te vesut te panà te menge kuntada.

Salmo 84:10

Is senga andew he ked-ubpà diyà te valey nu ne meupiya pa te nengkelibu he andew he ked-ubpà diyà te minsan hendei he lugar. Edtumuen ku is kedhithitindeg diyà te ǥemawan te valey nu, He Megbevayà, kenà is ked-ubpà diyà te valey te menge lalung.

Solomon 1:1

Is utew meupiya he kentahan ni Solomon.

Solomon 1:4

Dumaha a kenikew ne egaangaan ki egenat. Iyan ka hadì ku, ne uwita a ziyà te ruǥu nu. Utew zey sikew igkelipey! Edhuna is kegkesuati zey te kebmahal nu kenà te vinu. Ereg iyan he egkesuatan ke zan!

Solomon 5:1

Midseled a ziyà te pemuleey ku, pelanggè ku he minahal. Mid-amur-amur ku is mira ku wey menge pehemut ku. Migkaan a te teneb ku wey mid-inum a te vinu ku wey ǥatas ku. Sikiyu is mibminahalà, megkaan kew wey med-inum.

Solomon 6:4

Utew ka mekempet, pelanggè ku. Iring is kekempet nu te kekempet te inged he Tirza wey Jerusalem. Utew ka meupiya he ed-ahaan iring te menge sundaru he zuen dan menge bendirà.

Isaias 11:10

Egkeuma is andew he is beǥu he hadì he kevuwazan ni David, egkeiring te bendirà he iyan tuus te menge etew ziyà te menge nasyun he kinahanglan edtiǥum dan. Edtiǥum dan diyà te kandin. Ne egkevantug is ubpeey zin.