Solomon 1:7 - Manobo Western Bukidnon OT

⁷ Tezemi a kenikew, pelanggè ku, ke hendei nu ibpepenabtab is menge kerehidu nu? Ne hendei nu sikandan ibpehimeley emun meudtu? Tezemi a kenikew su wey ku sikew kenè en mepengahà diyà te menge emiǥu nu he ebpemepenabtab daan te menge kerehidu. Su kela ke kunaan dan ke vahi a he ebelegyà te dengeg din.

Solomon 1:7 ပူးပေါင်းရင်းမြစ်များ

Genesis 37:16

Midtavak si Jose te, “Ebpen-ahaan ku is menge kakey ku. Netuenan ve ke hendei zan ebpemepenabtab?”

Salmo 116:1

Mibmahal ku is Nengazen, su ebpemineǥen din wey edtevaken din is kebuyù ku te tavang diyà te kandin.

Salmo 18:1

Nengazen, iyan ka mibeǥey kedì te zesen, ne mahal ku sikew.

Salmo 28:1

Nengazen he iyan kutè ku. Ebpengumew a kenikew. Pemineǥa nu is ked-ampù ku! Su emun kenà a kenikew ebpemineǥen, ne megaan a ebpatey.

Salmo 80:1

Sikew is ebantey te Israel, pemineǥa key kenikew, iyan ka migiya te iring te menge kerehidu he menge kevuwazan ni Jose. Sikew is ebpimpinuu ziyà te pinuuwè nu te kedhadì he egkezivavew te nepelestaran te menge kirubin, ipeehè nu is gehem nu

Solomon 2:16

Kediey zà is minahal ku, ne kandin e zà. Ibpepenabtab din is menge uyaǥen din diyà te zuen duen menge liryu.

Solomon 2:3

Emun idhindeg te zuma he vetan-en he menge maama, is minahal ku, ne iring sikandin te mensanas he zuma te menge kayu ziyà te ketelunan. Utew ku ingkesuat is kedhelung diyà te sihung din ne meemis is beǥas din.

Solomon 5:10

Mekempet wey meriǥàriǥà is minahal ku. Te sepulù he libu he menge maama, ne iyan sikandin edhuna.

Solomon 5:16

Meupiya he edhezekan is bivig din, ne utew sikandin mekempet. He menge vahi te Jerusalem, iyan sikandin minahal ku; iyan sikandin emiǥu ku.

Solomon 5:8

Sikiyu is menge vahi te Jerusalem, penangdù kew he emun egkeehè niw is minahal ku ne keǥiyi niw sikandin he midluyahan a tenged te kebmahal.

Solomon 6:2

Midhendiyà is minahal ku te pemuleey zin he neeneb te menge pinemula he ebeelan he pehemut. Ebpepenabtab sikandin dutun te menge uyaǥen din wey ebpenguwa te menge liryu.

Solomon 6:3

Kediey zà is minahal ku, ne kandin e zà. Ibpepenabtab din is menge uyaǥen din diyà te zuen duen menge liryu.

Solomon 8:13

Ipezineg nu kedì is laǥeng nu, pelanggè ku, iring te ebpemineg daan te laǥeng nu is menge emiǥu nu guntaan te keniyan kew te pemuleey edhiphipanew.

Isaias 13:20

Ne kenè en heini egkeubpaan minsan keenu. Wazà Arabo he ebangun te tulda zin dutun. Wey wazà daan ebantey te menge kerehidu he ebpepenabtab te menge kerehidu zin dutun.

Isaias 26:9

Ebpengenduyen ku sikew ke timpu te mezukilem, te ebpuun te tivuuk he gehinawa ku. Tutuu he emun edhukuman nu is menge etew kayi te kelibutan, ne egketau sikandan te metazeng he kebpengungubpaan.

Isaias 40:11

Ed-etimanen din is menge etew zin iring te ked-etiman te ebantey te menge kerehidu: Edsepipiyen din is dezeisey pa he menge kerehidu ne meelima sikandin he egiya zuen te menge telenati.

Isaias 5:1

Egkanta a mehitenged te minahal ku, mehitenged te pemuleey zin te paras: Duen pemuleey te paras te minahal ku ziyà te vuvungan he meupiya is tanà duen.

Jeremias 33:12

Migkaǥi pa is Nengazen he Mekeǥeǥehem te, “Kayi te mekevulungbulung he tanà guntaan, ne wazè en duen menge etew wey menge langgam, iyan diyà te huziyan he timpu duen en maan menge penebtavà diyà te langun he menge inged kayi he zutun ed-uwita te menge vantey te menge kerehidu is menge kerehidu zan.

Micas 5:4

Edumala heini he pengulu ne ed-elimahan din is menge etew te Israel he iring sikandin te perevantey te menge kerehidu. Edhimuwen din heini pinaaǥi te zesen wey gehem te Nengazen he Megbevayè din. Ne ebpengungubpaan is menge etew zin he wazè dan igkahandek su egkilelaan te menge etew te tivuuk he kelibutan is kegkemekeǥeǥehem din.

Ruth 2:21

Ne migkaǥi zaan si Ruth te, “Ne kenà duen dà taman su migkeǥiyan e zin te, ‘Dini ke zà pekirarew he zuma te menge sakup ku taman te kenè dan pa ebpekepasad te ked-eǥani te parey ku.’ ”