Solomon 1:6 - Manobo Western Bukidnon OT

⁶ Kenè niw idemdemerì is keitem ku tenged te subra he kegkekagkag. Nepeukan a te menge suled ku he menge maama, ne impeterebahu e zan diyà te pemuleey te paras. Umbe wazè ku en timpu te ked-atur te keugelingen ku.

Solomon 1:6 ပူးပေါင်းရင်းမြစ်များ

Job 30:30

Mibmeitem is lundis ku wey egkengepadpad is keǥang ku. Ne utew metikang is dateng ku.

Salmo 69:8

Su in-iring a te langyew te menge kezuzumahi ku, ne is menge suled ku wazè e zan isipa he suled dan.

Jeremias 12:6

Minsan is menge suled nu he maama, he sakup pezem te pemilya nu, ne midluib kenikew. Mezaat is pelanu zan diyà te kenikew. Kenè ka sarig kandan minsan meupiya pa is egkeǥiyen dan diyà te kenikew.

Jeremias 8:21

Migkaǥi si Jeremias te, “Utew mesakit is gehinawa ku. Ingkesekiti ku is utew kegkerasey te menge emurè ku te inged. Midlalew a wey utew a neseeng.

Penhulùhulù 4:8

Piru ǥuntaan edhuna pa sikandan he meitem te vurit, ne kenè en sikandan egkekilala. Henduen be sikandan te menge tulan dà he netenges te lundis, wey henduen be te neǥangu he kayu.

Micas 7:6

Su kayi he timpu, is anak he maama ne kenà edtahud te amey zin, ne is anak he vahi ne edsukul te iney zin, ne is ambey edsukul te enuǥang din he vahi. Is kuntada te etew iyan mismu is sakup te keugelingen din he pemilya.