Salmo 85:2 - Manobo Western Bukidnon OT

² Mibpesaylu nu is menge salè dey; ne in-awè nu en diyà te isip nu.

Salmo 85:2 ပူးပေါင်းရင်းမြစ်များ

Ezra 1:2

“Iyan heini impehibelu ni Hadì Cyrus he hadì te Persia: “Imbeǥey kedì te Nengazen he Megbevayà diyà te langit, is langun he ginhedian kayi te kelibutan, ne insarig din kedì is kebangun diyà te Jerusalem he sakup te Juda te valey he para kandin.

Salmo 126:1

Hein impeuman ipeuswag te Nengazen is Zion, henduen be te teǥeinep dà heini.

Salmo 32:1

Utew zeyzey is etew he nepesaylu en is menge kedrapas din te menge suǥù, wey mibpanas en is menge salè din.

Salmo 78:38

Minsan pa te iyan heini, hihizuwen gihapun kandan is Megbevayà. Mibpesaylu zin sikandan te menge salè dan ne wazè din sikandan dèdeeti. Layun din ed-eǥena is pauk din kandan minsan utew en sikandin egkepauk.

Jeremias 50:20

Dutun he timpu, egkehanew en is menge salà wey is menge kedsupak te nesamà he menge etew ziyà te Israel wey Juda, su ebpeseyluwen ku sikandan.’ ”

Micas 7:18

Wazè en duma he ed-ezapen he iring kenikew. Mibpesaylu nu is menge salà te nesamà he menge etew nu he menge ǥaked nu. Wazà mebpedayun taman te taman is kegkepauk nu su ingkelipey nu is kebmahala nu kenami.

Numero 14:19

Tenged te zekelà he gaǥew nu, edhangyù a he peseyluwa nu is salà kayi te menge etew iring te kebpeseyluwa nu kandan puun pa te kegawas dan diyà te Ehipto.”