Salmo 70:4 - Manobo Western Bukidnon OT

⁴ Ne is langun he midangep diyà te kenikew, berakat he melipey zan tenged kenikew. Ne sikan is utew zan igkesuat is kedlibri nu, ne verakat he layun dan megkaǥi te, “Dait he edeliǥen is Megbevayà!”

Salmo 70:4 ပူးပေါင်းရင်းမြစ်များ

Salmo 35:27

Berakat he mekeugyab te kegkelipey is menge etew he igkelipey zan is kenà ked-utengi kedì te salà he impesangil kedì. Berakat he layun sikandan mekekaǥi te, “Utew zait he edeliǥen is Nengazen ne igkelipey zin is keupiyaanan te suluǥuen din.”

Salmo 40:16

Berakat he melipey is langun he midangep diyà te kenikew. Berakat he layun mekekaǥi sikan is menge etew he mepeselematen te kedlibriya nu kandan te, “Dait he edeliǥen is Nengazen”

Salmo 5:11

Piru berakat he mebmelipayen is langun he menge etew he ziyà med-aput te kenikew. Deyzey ke ebpekeuruhuy sikandan te kegkelipey zan. Ilikey nu te kezeetan is menge etew he mibmahal kenikew su para mebmelipayen sikandan tenged dutun.

Salmo 97:12

Sikiyu is menge metazeng, lipey kew tenged te mibeelan te Nengazen diyà te keniyu. Tentenuzi niw is kegkewaǥas din pinaaǥi te kedeliǥa niw kandin.

Isaias 61:10

Utew ku igkelipey is Nengazen he Megbevayè ku, su iring te mibistiyan e zin te kelibriyanan wey kezeeǥan duma is ketazeng. Iring a te ebpengesawa he zuen din mekempet he tengkulu wey te ed-esewaan he midsun-ud te menge elahas.

Penhulùhulù 3:25

Ebpurungan te Nengazen is menge ebperateng wey edangep diyà te kandin.