Salmo 69:8 - Manobo Western Bukidnon OT

⁸ Su in-iring a te langyew te menge kezuzumahi ku, ne is menge suled ku wazè e zan isipa he suled dan.

Salmo 69:8 ပူးပေါင်းရင်းမြစ်များ

Salmo 31:11

Ebpeel-elezan a te menge kuntada ku, lavew en is menge emurè ku te inged. Minsan is menge kilala ku ne nengahandek en he ed-uvey kediey. Emun egkeehè e zan diyà te zalan ne ebpekeziyuan e zan.

Salmo 38:11

Midlikayan ad te menge emiǥu ku wey menge zuma ku tenged te zaru ku. Minsan is menge kezuzumahi ku ne mibpekeziyuan e zan en.

Salmo 89:51

Iyan, is menge kuntada nu, Nengazen, edsudì te pinilì nu he hadì minsan hendei sikandin ebayà.

Salmo 89:52

Dait he edeliǥen is Nengazen te wazà pidtemanan! Amen! Amen!

Isaias 50:6

Idtaan ku is peka ku ziyà te menge edlagkut kedì wey is buked ku ziyà te menge ebpemazut te sumpè ku. Ebpesegdanen ku en sikandan te kebpe-el-elezi zan kedì wey ked-ilevi zan te vuked ku.

Isaias 53:3

Mid-undaunda sikandin wey inselikwey te menge etew. Mahabet is neseǥazan din he menge kemeresayan wey menge elentusen. Mid-iniyuǥan tew sikandin, midsudì tew, wey mid-isip tew he wazè din bali.

Isaias 53:4

Benar iyan, mid-antus din is menge kemeresayan wey menge elentusen he para pezem kenitew. Piru kunaan tew ke midsilutan sikandin te Megbevayà tenged te menge salè din.

Jeremias 15:15

Migkaǥi si Jeremias te, “He Nengazen, netuenan nu is langun he nehitavù kediey. Tentenuzi a wey uǥupi a. Belesi nu is edtinguhà te kezeetan ku. Netuenan ku he kenè ka melemu egkepauk, umbe kenè nu kuwaa is untung ku. Tentenuzi nu is ked-entusa ku te keelezan tenged kenikew.

1 Samuel 17:28

Dutun te kegkezineǥa ni Eliab, he kinekekayan he suled ni David te nekidlalag sikandin te menge etew, nepauk sikandin. Migkeǥiyan din si David te, “Maan is midhengkayi ka? Hentei is impevantey nu te menge kerehidu tew ziyà te sibsivayan he pira zà he leǥas? Utew ka mepedeligen. Mezaat is ulaula nu! Midhengkayi ke zà wey ka mekaahà te tebek.”