Salmo 69:1 - Manobo Western Bukidnon OT

¹ Libriya a, Megbevayè ku, su neiring ad te etew he hapit en egkelened.

Salmo 69:1 ပူးပေါင်းရင်းမြစ်များ

Job 22:11

Umbe, egkerusireman ka ne kenè ke en ebpekaahà, wey egkelapew ke en te zalem.

Salmo 18:4

Is kemetayen iring te pisì he ebpekevakus kediey, wey iring te litag diyà te veyeey ku. Is kezeetan iring te vendes te zalem he ed-anud kedì.

Salmo 32:6

Umbe, is langun he metinumanen kinahanglan he med-ampù diyà te kenikew zutun te timpu te kelised, su emun ebpekeuma is kelised he iring te zalem, ne kenè dan egkemenu.

Salmo 45:1

Is isip ku nepenù te mekempet he menge lalag hein idseysey ku en is ebpemulvulakan he menge lalag he para zuen te hadì. Ne is ketau ku te kegkaǥi ne iring te ketau zuen te utew metau he menunurat.

Salmo 60:1

He Megbevayà, mid-engkezan key kenikew ne ketau nu is kegkezaaǥa kenami. Nepeukan key kenikew, ne ǥuntaan seǥipaa key en.

Salmo 69:2

Henduen be te egkelenep e en diyà te mezalem he vasak he kenà egketegkad. Ne henduen be zaan te egketembunan a te menge vaǥel su ziyà a te mezalem he wahig.

Salmo 80:1

Sikew is ebantey te Israel, pemineǥa key kenikew, iyan ka migiya te iring te menge kerehidu he menge kevuwazan ni Jose. Sikew is ebpimpinuu ziyà te pinuuwè nu te kedhadì he egkezivavew te nepelestaran te menge kirubin, ipeehè nu is gehem nu

Isaias 28:17

Edhimuwen ku he sukud is hustu he kukuman ne edhimuwen ku he tuntun is ketazeng. Ibpelayap ku te vagyu wey ed-enuzen ku te zalem is kedtarùtarù he edseriǥan niw he iyan egkeendilungan niw.

Isaias 43:2

Emun ebayè ka ziyà te wahig, ne eduma a kenikew. Emun edlayun ka ziyà te zezekelà he menge wahig he edtudà ne kenè ka egkelened. Emun ebayè ka ziyà te hapuy, ne kenè ka egketutung; is regreg kayi ne kenà ebpekemenu kenikew.

Penhulùhulù 3:54

Henduen be te egkelened a ziyà te wahig, ne kunaan ku ke ebpatey ad.