Salmo 67:4 - Manobo Western Bukidnon OT

⁴ Berakat he meǥalew he egkanta te kegkelipey is langun he menge etew kayi te tivuuk he kelibutan, tenged te ketazeng te kedhukum nu kandan wey kegiyahi nu kandan.

Salmo 67:4 ပူးပေါင်းရင်းမြစ်များ

Genesis 18:25

Kenà haazà dait he edsilutan nu is menge metazeng duma te menge mekesesalà. Kenà egkehimu he id-iring nu is menge lalung kandan. Iyan ka ebayàbayà te tivuuk kelibutan, kenè be kinahanglan he ebeelan nu ke hengkey is hustu?”

Salmo 2:8

Buyù ka kayi te kediey ne ibeǥey ku kenikew is menge nasyun, taman te pinekemeziyù he lugar te tivuuk he kelibutan para maangken nu heini, ne edtumanen ku heeyan.

Salmo 82:6

Siak, is Utew Lavew he Megbevayà, egkeǥiyan ku sikiyu te menge megbevayè kew, ne pudu ku sikiyu menge anak.

Salmo 9:8

Edhukuman nu te hustu is menge etew kayi te kelibutan; mezait wey wazà egkevintahaan dutun te kedhukum nu.

Salmo 96:10

Tudtula niw ziyà te menge nasyun is edhenduen te, “Edhadì is Nengazen.” Melig-en is kedsevuka zin te kelibutan ne kenà heini egkewaleng. Edhukuman din is menge etew te kedhukum he wazà egkevintahaan.

Salmo 98:9

Egkelipey zan diyà te etuvangan te Nengazen su edhendini sikandin te kedhukum te menge etew kayi te kelibutan. Metazeng is kedhukumi zin kandan wey wazà bintahà.

Isaias 54:1

Migkaǥi is Nengazen te, “Kanta ka, Jerusalem, is iring te vahi he kenà ebpekaanak. Kanta ka wey derag-ey ka te kegkelipey, is wazè pa mekesaǥad te velilit. Su minsan mid-ewaan ka te esawa nu, egkehimu he mahabet pa is kenikew he menge anak kenè te vahi he wazà ewai te esawa zin.

Isaias 55:4

Midhimu ku sikandin he pengulu te menge nasyun, ne pinaaǥi kandin impeehè ku kandan is gehem ku.

Isaias 60:6

Ne sikew, Jerusalem, egkeeneb is menge tanè nu te menge kemilyu te menge tig-Median wey menge tig-Efa. Ne zuen menge etew ziyà te Sheba he ed-uwit te menge vulawan wey menge beyewà su ed-azap dan te Nengazen.

Deuteronomio 32:43

Sikiyu is menge etew ziyà te menge nasyun deliǥa niw is menge etew te Nengazen, su ebelesan te Nengazen is nemenhimatey kandan te menge suluǥuen din. Ebelesan din is menge kuntada zin, ne edlumpiyuwan din is tanè din wey is menge etew zin.