Salmo 5:4 - Manobo Western Bukidnon OT

⁴ Sikew is tutuu he Megbevayà, ne kenè nu igkelipey is mezaat he ulaula; kenè nu edewaten is lalung he menge etew.

Salmo 5:4 ပူးပေါင်းရင်းမြစ်များ

1 Cronica 29:17

He Megbevayè ku, netuenan ku he iyan ka edsusi te menge ǥehinawa zey, ne igkelipey nu ke egkeehè nu he metazeng heini. Umbe tutuu wey ebpuun te keputian te atey is kebeǥaya ku kayi he menge vutang. Wey minsan is menge keet-etawan nu he kayi ǥuntaan ne neehè ku he mibeǥey zan daan te ebpuun te keputian te atey zan. Umbe utew a nelipey.

Salmo 101:7

Is menge etew he limbungan wey teruen ne kenà ebpekeubpà diyà te turuǥan ku.

Salmo 11:5

Edsusiyen din is menge metazeng wey is menge lalung he menge etew. Ne egkeepesan din is menge mesipala.

Salmo 140:13

Siguradu he edeliǥen ka te menge metazeng ne ebpengungubpaan sikandan duma kenikew.

Salmo 50:21

Ne hein mibeelan niw heini is langun, wazè ku sikiyu dewaya; umbe kunaan niw ke iring a keniyu. Piru guntaan, edewayen ku sikiyu ne ibpeehè ku keniyu he utew kew lalung.

Salmo 63:2

Neehè ku is kegkemekeǥeǥehem nu wey kegketelehuzen nu ziyà te valey nu.

Salmo 88:14

Piru maan is ed-engkezan a kenikew, Nengazen? Maan is mid-elesan a kenikew?

Salmo 92:15

Ne puriba heini he metazeng is Nengazen he iyan endilungè ku; wazà minsan hengkey he mezaat diyà te kandin.

Salmo 94:20

Kenà egkehimu he edepiǥan nu is lalung he menge menhuhusey, he ebaal te supak te kesuǥuan.

Habakuk 1:13

Geina te metazeng ka, ne kenè nu egkaantus is kedtengteng te kelelalung wey kegubut. Piru maan is mibey-anan nu zà is meluiven he menge tig-Babilonia? Maan is intuǥut nu he mezèdeeti zan is menge etew he emun idhindeg kandan ne edhuna sikandan he lalung?

Malakias 2:17

Migkaǥi pa si Malakias te, “Neperahan en is Nengazen he ebpemineg te menge lalag niw. Ne ed-insè kew te, ‘Hengkey is mibeelan dey he iyan ingkeperahi te Nengazen te menge lalag dey?’ Migkaǥi kew te is langun he mibaal te mezaat ne meupiya is ked-ahaa kandan te Nengazen, ne nekepenunuat sikandan kandin. Migkaǥi kew pa te, ‘Hendei en buwa is Megbevayà he metazeng is kukuman din?’ ”