Salmo 32:3 - Manobo Western Bukidnon OT

³ Hein wazè ku pa iketug-an is menge salè ku, mibmeluya a, ne henduen te nerupet en is menge tulan ku, tenged te kebpekezag-es ku seled te tivuuk he andew.

Salmo 32:3 ပူးပေါင်းရင်းမြစ်များ

Salmo 38:8

Ne utew e en meluya. Ebpekezag-es a tenged te mesakit he egkeǥezam ku.

Salmo 38:3

Tenged te kegkepauk nu te kebpekevaal ku te menge salà, ne kenà meupiya is kegezamgezam ku kayi te lawa ku.

Penhulùhulù 3:8

Minsan ebuyù e pa te tavang ne kenè e zin ebpemineǥen.

Salmo 22:1

Megbevayè ku, Megbevayè ku, maan is mibey-anan a kenikew? Maan is meziyù ka kayi te kedì? Nezumahan en te zag-es is ked-antus ku, piru wazè e pa ǥihapun kenikew tevangi.

Hoseas 7:14

Kenà tinutuuwà is ked-umawa zan kediey. Dutun te edsineǥew zan diyà te menge hizeǥaan dan is ebuyù diyà te zuma he menge ed-ezapen dan te trigu wey vinu, ebpelian dan is lawa zan. Mibpekeziyù sikandan kayi te kediey.

Erubasa 28:13

Is etew he id-eles din is menge salè din ne kenà ed-uswag, iyan, is etew he idtug-an din wey ed-engkezan din te ed-ulaula is menge salè din, igkehizu sikandin te Megbevayà.

Job 30:30

Mibmeitem is lundis ku wey egkengepadpad is keǥang ku. Ne utew metikang is dateng ku.

Salmo 51:8

Ipeǥezam nu kediey is kelipey wey keǥalew, para zuen ku ǥihapun kelipey minsan pa te henduen te edrupeten nu is menge tulan ku.

Penhulùhulù 3:4

Impemeluya zin is tivuuk he lawa ku, ne mibadtì din is menge tulan ku.

Penhulùhulù 1:3

Impaantus is Juda ne mibihag is menge etew kayi. Diyè en sikandan mekeubpà te zuma he menge nasyun he zutun mereǥen is kebpekesavuk dan. Edel-asen sikandan te menge kuntada zan ne wazè dan egkepeleǥuyan.

Isaias 59:11

Tenged te kegkeseeng tew nekezag-es kiw he henduen kiw te edhiniǥer he bir wey egkaǥi he merepatik. Ebperateng kiw he edsilutan te Megbevayà is menge kuntada tew ne edlibriyen kiw zin, piru wazà heini mehitavù.

Isaias 51:20

Nengevidtawan sikandan ne nemekehidhizeǥà diyà te suyuk te kada kersada he henduen be te selazeng he nengelitag. Nesuǥat sikandan te utew kegkepauk te Nengazen; wey kebpendawey te Megbevayè nu.

Salmo 6:2

Kehizuwi a wey vewii a, su utew ad meluya.

Job 30:17

Emun mezukilem ne ed-al-al is menge tulan ku; is mesakit he egkeǥezam ku kenà egkeengked.

Job 3:24

Kenà a ebpekekaan tenged te subra he kegkeseeng, kenè en egkeengked is kebpekezag-es ku.

2 Samuel 11:27

Neiwas is kedlalew zin, ne impekuwa sikandin ni David ne mid-uwit din diyà te turuǥan din. Mid-esawa sikandin ni David, ne wazà meuǥet ne mid-anak sikandin te maama. Piru wazà mesuat is Nengazen te mibeelan ni David.

Isaias 57:17

Nepauk a tenged te salà wey keleleǥed te menge tig-Israel, umbe midsilutan ku sikandan wey mid-iniyuǥan. Piru mibpedayun dan gihapun te kebaal te salà.

1 Samuel 31:13

Ne migkuwa zan is menge tulan ne inleveng dan diyà te dizalem te kayu he tamarisko ziyà te Jabesh, ne mibpuasa zan seled te pitu he andew.

Erubasa 17:22

Emun layun duen kelipey he egketaǥù diyà te ǥehina ta, ebmeupiya is kedlelawa ta, iyan, emun layun dà seeng is egketaǥù diyà te gehinawa ta, egkezeetan is kedlelawa ta.