Salmo 22:1 - Manobo Western Bukidnon OT

¹ Megbevayè ku, Megbevayè ku, maan is mibey-anan a kenikew? Maan is meziyù ka kayi te kedì? Nezumahan en te zag-es is ked-antus ku, piru wazè e pa ǥihapun kenikew tevangi.

Salmo 22:1 ပူးပေါင်းရင်းမြစ်များ

Salmo 22:16

Midliǥuyan a te lalung he menge etew; iring sikandan te menge asu he ebpemen-erungut kayi te kedì. Mibpelehusan dan is menge belad ku wey menge paa ku.

Job 3:24

Kenà a ebpekekaan tenged te subra he kegkeseeng, kenè en egkeengked is kebpekezag-es ku.

Salmo 10:1

Nengazen, maan is mibpekeziyù ka? Maan is mid-eles ka zutun te timpu he edlised key?

1 Samuel 12:22

Kenè kew ed-iniyuǥan te Nengazen, su kenè din egkesuatan he mepeel-elezi is ngazan din. Wey ingkelipey zin utew is kegkehimuwa zin keniyu he menge sakup din.

Salmo 22:11

Umbe, kenà a kenikew vey-ani su meǥaan en egkeula-ula is melised ne wazà duma he ebpeketavang kedì.

Salmo 71:11

Ke sikandan te, “Mibey-anan en sikandin te Megbevayà, umbe edel-asen tew sikandin ne edekepen tew, su wazè en edtavang kandin.”

Isaias 46:13

Kenà egkeuǥet, ebeǥayan ku te kezeeǥan wey ketazeng is Jerusalem. Uya, meǥaan ku en heini edlibriya, ne ebeǥayan ku te zengeg is Israel.

Salmo 38:8

Ne utew e en meluya. Ebpekezag-es a tenged te mesakit he egkeǥezam ku.

Salmo 37:28

Su igkesuat te Nengazen is hustu he kukuman ne kenè din ebpesegdanen sikan is menge metinumanen he edsunud kandin. Edtipiǥan din sikandan te taman te taman, piru is menge kevuwazan te lalung he menge etew ne edsegseǥen mulà puun te tanà he Israel.

Salmo 16:1

He Megbevayà, bentayi a, su ziyà a te kenikew med-aput.

Isaias 59:11

Tenged te kegkeseeng tew nekezag-es kiw he henduen kiw te edhiniǥer he bir wey egkaǥi he merepatik. Ebperateng kiw he edsilutan te Megbevayà is menge kuntada tew ne edlibriyen kiw zin, piru wazà heini mehitavù.

Salmo 26:9

Kenà a kenikew zèdeeti duma te menge mekesesalà, iring te menge teremunù.

Leviticus 2:6

Ebpenevien heini ne ed-itisan te lana. Pemuhat heini he para gasa.