Salmo 135:13 - Manobo Western Bukidnon OT

¹³ Nengazen, is ngazan nu wey is kegkevantug nu egketenuzan taman te taman.

Salmo 135:13 ပူးပေါင်းရင်းမြစ်များ

Salmo 102:12

Piru sikew mulà, Nengazen, edhadì ka te wazà pidtemanan; edtentenuzan ka te menge etew taman te taman.

Exodus 3:15

Migkaǥi zaan is Megbevayà diyà te ki Moises te, “Keǥiyi nu is menge Israilihanen: ‘Is Nengazen, is Megbevayà he ed-ezapen te menge kebpuun niw he si Abraham, si Isaac, wey si Jacob ne iyan midsuǥù kenikew.’ Kilelaà niw is ngazan ku he Nengazen te wazà pidtemanan.

Salmo 72:17

Berakat he kenà egkelipatan is ngazan te hadì te taman te taman mintras duen pa andew. Berakat he pinaaǥi kandin edtuvazan is langun he menge nasyun, ne ebpekekaǥi is menge etew ziyà te menge nasyun te, “Deyzey sikandin.”

Salmo 8:9

He Nengazen he iyan Egalen dey, is kegkemekeǥeǥehem nu egkaahà kayi te tivuuk he kelibutan!

Hoseas 12:5

Iyan sikandin kes Nengazen he Megbevayè he Mekeǥeǥehem; Nengazen is nevantug he ngazan din.

Salmo 102:21

Ne tenged kayi, idsangyew ziyà te Zion he iyan is inged he Jerusalem is menge mibeelan te Nengazen, ne zutun he inged sikandin edeliǥa.

Salmo 89:1

Nengazen, layun ku egkentaha is dekelà he ǥaǥew nu. Ne taman te taman is kedtudtula ku te kebmetinumanen nu.

Salmo 8:1

He Nengazen he iyan Egalen dey, is kegkemekeǥeǥehem nu egkaahà kayi te tivuuk he kelibutan! Egkezineg nu ziyan te langit is kedeliǥa te menge etew kenikew.

Salmo 102:13

Andam en is hizu nu para te Zion, su neume en is midtelaan he timpu he zutun ibpeehè nu is keupiya nu para te Zion.