Salmo 132:9 - Manobo Western Bukidnon OT

⁹ Berakat he layun edtinazeng is menge memumuhat nu, ne egkanta te kegkelipey is metinumanen he menge etew nu.

Salmo 132:9 ပူးပေါင်းရင်းမြစ်များ

2 Cronica 6:41

“Guntaan, Nengazen he Megbevayà, hendiyè ke en te valey nu, kes lugar he himelayè nu, he zutun isavuk kes Kavan te Kebpekid-uyun nu, he ebpesavut te ǥehem nu. Berakat he meseǥazi te menge memumuhat nu is kedlibriya nu kandan, ne egkelipey is metinumanen he menge etew nu tenged te keupiya nu.

Job 29:14

Layun ku edhimuwa is metazeng wey hustu; iring heini te visti wey tengkulu he idselu-ub ku.

Salmo 104:1

Ereg he edeliǥen ku is Nengazen. Nengazen he Megbevayè ku, mekeǥeǥehem ka iyan. Is kezekelà te zengeg nu wey is kegkelavew nu, menge kineiya heini he insun-ud nu iring te visti.

Salmo 132:16

Layun ku edlibriya is menge memumuhat kayi, ne is metinumanen he menge meǥinged kayi he menge etew ku, layun ebpemenganta te kegkelipey zan.

Salmo 149:5

Medlipey is menge etew he mepezumdumahan te Megbevayà tenged te kebpekezaag dan; megkanta zan te kegkelipey minsan diyà te menge hizeǥaan dan.

Salmo 47:1

Sikiyu is langun he keet-etawan diyà te menge nasyun, pelakpak kew wey ugyab kew te kedalig te Megbevayà he egkezumahan te kelipey.

Salmo 68:3

Piru is menge metazeng, ed-ugyab sikandan te kegkelipey ziyà te etuvangan nu.

Salmo 70:4

Ne is langun he midangep diyà te kenikew, berakat he melipey zan tenged kenikew. Ne sikan is utew zan igkesuat is kedlibri nu, ne verakat he layun dan megkaǥi te, “Dait he edeliǥen is Megbevayà!”

Salmo 93:1

Hadì ka, Nengazen; is bisti nu iyan is kegkemekeǥeǥehem nu wey is utew nu kegkelavew. Utew melig-en is kebenguna nu te kelibutan ne kenà heini egkehuyung.

Isaias 61:10

Utew ku igkelipey is Nengazen he Megbevayè ku, su iring te mibistiyan e zin te kelibriyanan wey kezeeǥan duma is ketazeng. Iring a te ebpengesawa he zuen din mekempet he tengkulu wey te ed-esewaan he midsun-ud te menge elahas.

Isaias 65:14

Egkanta zan tenged te kegkelipey piru sikiyu, edsineǥew kew tenged te kegkeseeng wey kezaat te gehinawa niw.

Zefanias 3:14

Migkaǥi si Zefanias te, “Sikiyu is menge meǥinged te Israel, ugyab kew! Sikiyu is menge meǥinged diyà te Zion, he iyan is inged he Jerusalem, kanta kew wey medlipey ziyà te tivuuk he gehinawa niw!

Zacarias 9:9

Migkaǥi is Nengazen te, “Ugyab kew tenged te kegkelipey is menge meǥinged diyà te Zion, he iyan is inged he Jerusalem, su ebpekeuma is hadì niw. Metazeng sikandin wey mezeeǥen. Kenà sikandin mepelevawen ne ebpekeuma he ed-untud te nati he asnu.

Zatù 5:31

“Nengazen, berakat he mezeeti is langun he menge kuntada nu. Ne verakat mulà he meiring te andew he ebpurung edsiǥa is ebmahal kenikew.” Dutun he timpu melinawen is ked-ubpà diyà te Israel seled te 40 he tuig.