Salmo 113:4 - Manobo Western Bukidnon OT

⁴ Edhedian te Nengazen is langun he menge nasyun, ne kenà egkerepengan is kegkemekeǥeǥehem din.

Salmo 113:4 ပူးပေါင်းရင်းမြစ်များ

1 Hadì 8:27

“Piru, sikew, Megbevayà, tutuu ve iyan he ebpekeubpè ka kayi te tanà? Minsan is langit ne kenè ka ganì ed-ereg minsan diyà te pinekemetikang he vahin kayi, kayi ke pe be vuwa med-ereg te valey he midtukud ku?

Salmo 148:13

Langun te sikandan ne medalig te Nengazen su iyan sikandin lavew te langun. Iyan sikandin lavew he mekeǥeǥehem te langun he ziyà te langit.

Salmo 8:1

He Nengazen he iyan Egalen dey, is kegkemekeǥeǥehem nu egkaahà kayi te tivuuk he kelibutan! Egkezineg nu ziyan te langit is kedeliǥa te menge etew kenikew.

Salmo 97:9

Iyan ka, Nengazen, Utew Lavew he Megbevayà, he ebayàbayà kayi te tivuuk he kelibutan. Utew ka lavew te langun he mid-isip te menge etew he menge megbevayè dan.

Salmo 99:2

Mekeǥeǥehem is Nengazen he ziyà te Zion; iyan sikandin ebayàbayà te tivuuk he kemenmenusiyaan.

Isaias 40:15

Iyan benar, is menge nasyun iring dà te tiǥis te wahig puun te teleǥuey kayi, etawa eliyavuk diyà te timbangan. Para te Megbevayà, is menge isla ke ebitbiten din, iring dà kahagkap te eliyavuk.

Isaias 40:17

Kenà ebpekesusuluwan kandin is menge nasyun. Diyà te isip din, wazà bali te menge nasyun.

Isaias 40:22

Iyan midhimu kayi is Megbevayà he ebpimpinuu ziyà te pinuuwè din te kedhadì diyà te zivavew te kelibutan, ne is kandin he ked-ahaa te menge etew kayi te zizalem henduen dà te menge lemetik. Mibekar zin is langit iring te kurtina. Mibekar zin heini he iring te tulda su para meubpai.

Isaias 66:1

Iyan heini egkeǥiyen te Nengazen: “Is langit iyan pinuuwè ku te edhadì, ne is tanà iyan ebpeuntuzan ku te menge paa ku. Egkehimu ve ke edtukuzan a keniyu te valey? Egkehimu ve ke ebeǥayan a keniyu te lugar he egkehimelayan ku?