Salmo 113:3 - Manobo Western Bukidnon OT

³ Ebpuun te edsilaan pehendiyà te edsenlepan is langun he menge etew edalig te Nengazen.

Salmo 113:3 ပူးပေါင်းရင်းမြစ်များ

Malakias 1:11

Ebentuǥen a ziyà te menge nasyun puun te kedsilà te andew pehendiyà te kedsanlep kayi. Ebpemuhaten a te veyewà wey lunsey he menge pemuhat diyà te langun he lugar, su ebentuǥen a ziyà te menge nasyun. Iyan a, is Nengazen he Mekeǥeǥehem, is migkaǥi kayi.

Salmo 18:3

Edeliǥen ka, Nengazen, su emun ebuyù a te tavang diyà te kenikew, ne edluwasen a kenikew zutun te menge kuntada ku.

Isaias 49:13

Kanta ka te kegkelipey, is langit! Lipey ka, is kelibutan! Kanta kew is menge vuvungan! Su edlipayen wey egkehizuwan te Nengazen is menge etew zin he nengerasey.

Salmo 86:9

Edsimba kenikew is langun he menge etew ziyà te menge nasyun he midlimbag nu. Ne edeliǥen ke zan.

Isaias 59:19

Minsan hendei edtehuzen sikandin wey ebeǥayan te zengeg te menge etew, su ebpekeuma sikandin he iring te edeǥurus he wahig he edhiyupen te mevendes he keramag.

Salmo 48:10

Ebentuǥen ka ne edeliǥen ka te menge etew seled te tivuuk he kelibutan, tenged te mezeeǥen ka pinaaǥi te ǥehem nu.

Salmo 72:11

Berakat he ebpesakup kandin is langun he menge hadì ne ebpenilbi kandin is langun he menge nasyun.

Habakuk 2:14

Su is menge etew kayi te kelibutan, egkepenù te keuluwanen vahin te gehem te Nengazen, iring te zaǥat he nepenù te wahig.

Salmo 50:1

Is Nengazen he iyan kes mekeǥeǥehem he Megbevayà, ebpekidlalag wey ebpengumew te menge etew kayi te tivuuk he kelibutan.

Isaias 24:16

Egkezineg is kanta ziyà te kinemeziyuan he vahin te kelibutan he edhenduen te, “Edeliǥen is Metazeng he Megbevayà!” Piru mekehizuhizu a su midluyahan a. Su mibpedayun gihapun is kedluib te menge meluiven he menge etew.