Salmo 100:1 - Manobo Western Bukidnon OT

¹ Sikiyu is menge etew kayi te tivuuk he kelibutan, ugyab kew te kegkelipey tenged te Nengazen.

Salmo 100:1 ပူးပေါင်းရင်းမြစ်များ

Salmo 98:4

Sikiyu is menge etew kayi te tivuuk he kelibutan, ugyab kew para te Nengazen tenged te kegkelipey niw. Kanta kew he melipayen te kedalig kandin.

Zefanias 3:14

Migkaǥi si Zefanias te, “Sikiyu is menge meǥinged te Israel, ugyab kew! Sikiyu is menge meǥinged diyà te Zion, he iyan is inged he Jerusalem, kanta kew wey medlipey ziyà te tivuuk he gehinawa niw!

Salmo 32:11

Umbe, sikiyu is menge metazeng, lipey kew tenged te mibeelan te Nengazen diyà te keniyu! Sikiyu is nengungubpaan te hustu he paaǥi, ugyab kew tenged te kegkelipey niw!

Salmo 66:1

Sikiyu is menge etew kayi te tivuuk he kelibutan, ugyab kew ziyà te Megbevayà te kegkelipey.

Deuteronomio 32:43

Sikiyu is menge etew ziyà te menge nasyun deliǥa niw is menge etew te Nengazen, su ebelesan te Nengazen is nemenhimatey kandan te menge suluǥuen din. Ebelesan din is menge kuntada zin, ne edlumpiyuwan din is tanè din wey is menge etew zin.

Salmo 145:1

Edeliǥen ku sikew, Megbevayè ku he Hadì. Edeliǥen ku sikew te wazà pidtemanan.

Salmo 47:1

Sikiyu is langun he keet-etawan diyà te menge nasyun, pelakpak kew wey ugyab kew te kedalig te Megbevayà he egkezumahan te kelipey.

Zacarias 14:9

Iyan is Nengazen egkehimu he hadì te tivuuk he kelibutan. Iyan dà sikandin egkilelaan he Megbevayà ne wazè en duma.

Salmo 67:4

Berakat he meǥalew he egkanta te kegkelipey is langun he menge etew kayi te tivuuk he kelibutan, tenged te ketazeng te kedhukum nu kandan wey kegiyahi nu kandan.

Salmo 66:4

Is langun he menge etew kayi te tivuuk he kelibutan, ed-azap dan kenikew. Ne egkanta zan te kedalig kenikew.”

Salmo 47:5

Dutun te kedhendiyà te Megbevayà te pinuuwè din te kedhadì, ed-ugyab is menge etew te kegkelipey zan duma is kebpezaǥing te menge vudyung.

Salmo 68:32

Sikiyu is menge sakup te menge ginhedian kayi te kelibutan, kentahi niw is Megbevayà. Kanta kew te kedalig te Nengazen