Ruth 4:14 - Manobo Western Bukidnon OT

¹⁴ Ne migkeǥiyan si Naomi te langun he menge vahi te, “Deliǥa is Nengazen su imbeǥey zin kenikew ǥuntaan is apù nu he ebpekeelima kenikew keuzemà. Berakat he mevantug keuzemà heini is batà te langun he menge zuma tew te menge tig-Israel.

Ruth 4:14 ပူးပေါင်းရင်းမြစ်များ

Genesis 12:2

“Edhimuwen ku is menge kevuwazan nu he utew zekelà he nasyun. Ne edtuvazan ku sikew ne edhimuwen ku he utew mevantug is ngazan nu. Ne pinaaǥi zaan kenikew, edtuvazan ku is mezakel he menge etew.

Genesis 24:27

Ke sikandin te, “Edeliǥen is Nengazen, he iyan Megbevayà te egalen ku he si Abraham. Impeehè din is kenà egkahanew he ǥaǥew zin te egalen ku. Iyan sikandin migiya kedì wey a mekehendiyà te kezuzumahi te egalen ku.”

Genesis 29:35

Mibmeǥingey med-uman si Lea ne mid-anak sikandin te sevaha pa he maama. Migkaǥi sikandin te, “Edeliǥen ku is Nengazen.” Umbe migngezanan din haazà is batà te Juda. Puun dutun, wazè en sikandin med-anak.