Ruth 4:12 - Manobo Western Bukidnon OT

¹² Berakat daan he pinaaǥi te menge anak he ibeǥey te Nengazen keniyu ki Ruth, mevantug is menge kevuwazan niw iring te nevantug daan is menge kevuwazan te kepuun nu he si Perez he anak ni Juda wey ni Tamar.”

Ruth 4:12 ပူးပေါင်းရင်းမြစ်များ

Genesis 38:29

Piru inseled dutun te vatà is belad din ne iyan midhuna megawas sikan is sereping din. Ne migkaǥi is mengunguyamu te, “Mibpekid-aǥew ka te kegawas.” Umbe migngezanan haazà is batà te Perez.

Genesis 46:12

Is menge anak he maama ni Juda ne iyan si Er, si Onan, si Shela, si Perez, wey si Zera (piru si Er wey si Onan, diyè dan dà mebpatey te Canaan), ne zuen menge anak ni Perez he si Hezron wey si Hamul.

1 Cronica 2:4

Duen pa anak ni Juda he menge maama ziyà te ambey zin he si Tamar. He iyan si Perez wey si Zera. Lelima langun is anak ni Juda he menge maama.

Malakias 2:15

Kenè be sikiyu is teleesawa, midsevaha te Nengazen is lawa niw wey gehinawa niw? Geina te egkesuat sikandin he mekaanak kew te egkehimu he ǥaked din. Umbe mebpekevantey kew he kenè niw mesupak is penangdù niw zutun te ked-esewaa niw te esawa niw hein menguhed kew pa.

Ruth 4:18

Is keguǥuza te menge kepuun ni David ne iyan heini: Si Perez, ne amey ni Hezron,

1 Samuel 2:20

Ne ebpenubtuvazan ni Eli si Elkana wey esawa zin he si Hana he egkaǥi te, “Berakat he pinaaǥi kayi te esawa nu, ebegayan kew te menge vatà he iyan idliwà dutun te mibuyù din hein inlikù niw iveǥey ziyà te Nengazen.” Ne zutun mid-ulì dan.