Ruth 4:1 - Manobo Western Bukidnon OT

¹ Ne si Boaz, diyà sikandin medtandang te husayan he ziyà te pultahan dutun te inged ne zutun sikandin mebpinuu. Ne zutun nekeuma haazà is etew he migkaǥi ni Boaz he iyan sikan is mesipeg te esawa ni Ruth. Ne mid-umew sikandin ni Boaz, ke sikandin te, “Geli, uvey ka kayi ne pinuu ke zèpa.” Ne zutun mid-uvey haaza is etew ne mibpinuu.

Ruth 4:1 ပူးပေါင်းရင်းမြစ်များ

Genesis 19:1

Ne haazà is dezuwa he menge velinsuǥuen te Nengazen, hein nekeuma zan diyà te inged he Sodom ne mahapun en, diyà si Lot ebpimpinuu te uvey te pultahan dutun te inged. Ne hein neehè din sikandan, midhitindeg sikandin ne midsinuǥung din ne midlangkeb sikandin diyà te tanà te kedtahud, he egkaǥi te,

Genesis 23:10

Ebpimpinuu zutun si Efron duma te menge zuma zin he menge Hitihanen, umbe midtavak din si Abraham diyà te etuvangan te langun he menge zuma zin he menge Hitihanen he midtiǥum dutun te pultahan te inged.

Genesis 34:20

Umbe midhendiyè dan te amey zin te pultahan te inged su edlelaǥan dan is menge maama zutun te inged dan.

2 Samuel 15:2

Neleyaman ni Absalom is emun egkepukew te meselem ne ziyà edhithitindeg te kilid te zalan pehendiyà te pultahan te inged. Ne emun duen ebpekeuma he etew he zuen sumbung din he ibpehusey te hadì, ne ed-insaan din ke hendei ed-ubpà, wey egkaǥi haazà is etew ke hengkey sikandin he tribu te Israel.

2 Cronica 18:9

Dutun he timpu, si Hadì Ahab he hadì te Israel wey si Hadì Jehoshafat he hadì te Juda, mibivisti zan te visti te hadì, he ebpinuu is kada sevaha kandan diyà te pinuuwè din te kedhadì diyà te uvey te gunasà he uvey te pultahan te Samaria. Ne ebpemineǥen dan is egkeǥiyen te menge ebpeneuven.

Job 29:7

Emun edhendiyà a te pultahan te inged su edtampu a te ebpemendumala te inged dutun te kebmiting dan,

Job 31:21

Emun mibpesekitan ku pinaaǥi te velad ku is ilu, su ǥeina te zuen ku ǥehem diyà te hukmanan,

Salmo 69:12

Iyan a layun ed-ituka te menge etew he ebpemimpinuu ziyà te pultahan te inged, ne egkekanta is egkengelangut te kanta he idsudì kedì.

Erubasa 31:23

Diyà te inged dan, ne telehuzen is esawa zin wey sevaha te menge edlingahaan dutun.

Isaias 55:1

Migkaǥi is Nengazen te, “Uvey kew, sikiyu is langun he egkemezahan, su heini zed is wahig! Minsan wazè niw selapì, ne pemasa kew wey megkaan! Hendini kew en, pemasa kew te vinu wey ǥatas he wazè din bayad.

Jeremias 32:10

Mibpirmahan ku wey midtetakan is pepilis te kebpemasa ku ziyà te etuvangan te menge tistiǥus. Ne midtimbang ku haazà is pelata ne imbayad ku ki Hanamel.

Amos 5:15

Senggilahi niw is mezaat ne veeli niw is meupiya, ne hukum kew te hustu ziyà te hukmanan. Su kela ke mehizuwi kew zed te Nengazen he Megbevayà he Mekeǥeǥehem is nengesamà keniyu te menge kevuwazan ni Jose.

Zacarias 2:6

Migkeǥiyan te Nengazen is menge Israilihanen te, “Impeyapat ku sikiyu ziyà te minsan hendei he vahin te kelibutan. Piru ǥuntaan pemelaǥuy kew, ragkes kew en is mibihag pehendiyà te Babilonia, ne likù kew ziyà te Jerusalem.”

Deuteronomio 16:18

“Pilì kew te menge zatù wey menge upisyal te kada tribu niw ziyà te langun he inged he ibeǥey keniyu te Nengazen he Megbevayè niw. Ne heini sikandan emun ebpenhusey zan ne kinahanglan he wazà egkevintahaan.

Deuteronomio 17:5

ne uwita niw haazà is mibaal ziyà te pultahan te inged niw ne penulenga niw te vatu taman te kebpatey zin.

Deuteronomio 21:19

Emun egkehitavù heini ne uwita zuen te menge ginikanan haazà is anak dan diyà te pultahan te inged he zutun sikan is ebpemendumala.

Deuteronomio 25:7

“Iyan, emun kenà egkesuatan te ed-esawa te suled duen te minatey haazà is balu, ne medhendiyà haazà is balu te ebpemendumala he ziyà te pultahan te inged ne megkaǥi te, ‘Kenà egkesuat is ipag ku he ebeǥey te kevuwazan he ebpekeuwit te ngazan te minatey he esawa ku kayi te Israel. Kenè din edtumanen is ketengdanan din kayi te kediey te ipag din.’

Josue 20:4

Ebpekaaput sikandin diyà te minsan hendei zutun he menge inged, ne ed-etuvangen din diyà te pultahan te inged is ebpemendumala ne egkeǥiyen din kandan is nehitavù. Ne ibpeseled dan sikandin ne ebeǥayan dan te lugar he egkeubpaan din.

Ruth 3:12

Tutuu iyan he mesipeg a kenikew, ne zuen ku ketengdanan te ked-elima kenikew, piru zuen edhuna pa he mesipeg nu kenà siak.

Ruth 3:18

Ne migkaǥi zutun si Naomi te, “Ubpàubpà ke zà, bayi, taman te egketuenan ta ke hengkey is egkeulaula su kenà si Boaz edhimeley ǥuntaan taman te kenè din pa egkehusey heini is neulaula.”