Ruth 3:3 - Manobo Western Bukidnon OT

³ Umbe, pemeziǥù ka, wey ǥamit ka te menge pehemut wey bivisti ka te meupiya ne tupang ka zutun te egunasan. Iyan, kenè ka zèpa paahà kandin emun kenè pa ebpekepasad sikandin he ed-inum wey egkaan.

Ruth 3:3 ပူးပေါင်းရင်းမြစ်များ

2 Samuel 12:20

Ne mid-enew si David, nemeziǥù, midheplasan din is lawa zin te mehemut he lana ne mid-ilis. Ne midhendiyà sikandin te valey te Nengazen ne midsimba. Nekepasad ne mid-ulì sikandin ne mibuyù te keenen, ne migkaan sikandin.

2 Samuel 14:2

Umbe, impetawag din is sevaha he vahi he uluwanen he ziyà te Tekoa. Hein nekeuma haazà is bahi, migkeǥiyan ni Joab te, “Uvag kun edlalew ka te minatey. Kukumbalè ka te visti he ibivisti te edlalew, ne kenè ka mebpurungpurung, kekenà, iringi nu is ulaula te vahi he neuǥet en is kedlalew zin tenged te minatey.

Ester 5:1

Ne hein iketelu en he andew, imbivisti ni Ester is bisti zin te kegkerayna, ne midhitindeg sikandin dutun te lama te turuǥan he egkesineruwan duen te pinuuwà te hadì. Dutun he timpu ebpimpinuu sikan is hadì diyà te pinuuwè din he edsinaru ziyà te ǥemawan.

Salmo 104:15

Duen binu he ebpekelipey kandan, duen lana he ibmesinew te zagwey zan, wey zuen keenen he ebpekepezesen te lawa zan.

Megwewali 9:8

Mebivisti ka te mekempet duma is kebpehemut, he ka và dà egkeǥiya layun ka medlipey.

Ezekiel 16:9

“ ‘Ne midlùluan ku is menge lengesa ziyà te lawa nu, wey midlenahan ku sikew.

Ruth 3:2

Egketenuzan nu ve si Boaz is megeget he kezuzumahi ta, he nehimu he zuma nu te kedterebahu is suluǥuen din he vahi. Ne netuenan ta he ǥuntaan te mezukilem diyà sikandin te egunasan din su ebpemalid te barli.

Ruth 3:4

Ne emun edlipezeng en, peniizi nu ke hendei sikandin edhizeǥà. Ne emun ebpekelipezeng en sikandin ne hendiyè ka ne luwisa nu is malung din diyà te paa zin ne hizeǥè ka zutun. Ne egkeǥiyan ke zin dutun ke hengkey is ibpeulaula zin kenikew.”