Ruth 3:12 - Manobo Western Bukidnon OT

¹² Tutuu iyan he mesipeg a kenikew, ne zuen ku ketengdanan te ked-elima kenikew, piru zuen edhuna pa he mesipeg nu kenà siak.

Ruth 3:12 ပူးပေါင်းရင်းမြစ်များ

Ruth 2:20

Ne ke si Naomi te, “Is Nengazen tew, ne kenè din egkelipatan is menge pesarig din dutun te nemematey en wey te menge uuyag pa. Berakat he tuvazi zin si Boaz. Haazà si Boaz, ne kezuzumahi ta; sevaha sikandin te menge etew he zuen dan ketenged te kebpemalu kayi te kenita.”

Ruth 3:11

Ne kenè ka, bayi, mahandek, su netuenan te langun he menge meǥinged kayi he utew ka metazeng he vahi. Edhimuwen ku is langun he egkesuatan nu.

Ruth 3:13

Dini ke zà te heini he kezukilemi, ne keeselem ne ed-ahaan ta ke edhimuwen din is televaken din kenikew. Emun ebpemineg sikandin ne meupiya; piru emun kenà, ne ibpenangdù ku ziyà te uuyag he Nengazen he edhimuwen ku is televaken ku kenikew. Sigi, kayi ke zà lipezeng taman te egkepawà.”

Ruth 4:1

Ne si Boaz, diyà sikandin medtandang te husayan he ziyà te pultahan dutun te inged ne zutun sikandin mebpinuu. Ne zutun nekeuma haazà is etew he migkaǥi ni Boaz he iyan sikan is mesipeg te esawa ni Ruth. Ne mid-umew sikandin ni Boaz, ke sikandin te, “Geli, uvey ka kayi ne pinuu ke zèpa.” Ne zutun mid-uvey haaza is etew ne mibpinuu.

Ruth 4:4

Neisip ku he ibpesayud ku kenikew. Ne emun egkesuatan nu, pemesaha nu kayi te etuvangan kayi te menge etew. Iyan, emun kenè nu egkesuatan, kaǥi ka. Kenikew is ketenged te kebpemesaha kayi, iyan, ke kenè nu ebpemesahan ne kediey en sikan is ketenged.” Ne midtavak dutun haazà is etew te, “Ebpemesahan ku.”