Ruth 2:8 - Manobo Western Bukidnon OT

⁸ Ne zutun migkaǥi si Boaz diyà te ki Ruth te, “Bayi, pemineg ka te sambag ku kenikew. Kayi ke zà pekirarew te neipusan kayi te menge suluǥuen ku he vahi. Kenè ka awà kayi ne kenè ka zaan pekirarew ziyà te selakew he perayan.

Ruth 2:8 ပူးပေါင်းရင်းမြစ်များ

2 Hadì 5:13

Piru mid-uvey ziyà te kandin is menge suluǥuen din he ke sikandan te, “Datù, emun mereǥen he ebeelan is idsuǥù kenikew te ebpeneuven, kenè be ebeelan nu? Ne melemu zà he ebeelan is insuǥù din he kebpenlùlù para meulii ka.”

Leviticus 19:9

Emun edraǥun kew ne kenè niw emina te edraǥun is diyà te kilid te pemuleey niw, ne kenè niw en likui pekirerawa is nengesamà.

Ruth 2:7

Nenanghid sikandin geina ke egkehimu he ebpekepekirarew zini. Midsayu sikandin medterebahu ne sikan pa medhimeley kayi te lawig.”

Ruth 2:9

Dini ke zà pen-ahà te rerawen te perayan ku he ebpenggeraven te menge sakup ku ne zini ka terebahu uvey te menge suluǥuen ku he vahi. Migkeǥiyan ku is menge sakup ku he kenè ke zan semuka. Ne emun egkemezahan ka, diyà ka inum te menge umuy he mibpemenù dan te wahig.”

1 Samuel 3:16

Ne mid-umew zin te, “Samuel, anak.” Midtavak si Samuel, “Hengkey, datù.”

1 Samuel 3:6

Mid-uman en maan umawa sikandin te Nengazen, “Samuel! Samuel!” Mid-enew si Samuel ne midhendiyà te ki Eli, ke sikandin te, “Hengkey, datù, maan is ed-umawen a kenikew?” Midtavak si Eli te, “Mama, wazè ku sikew umawa, likù ke en wey med-uman medlipezeng.”