Ruth 2:3 - Manobo Western Bukidnon OT

³ Ne midhendiyà si Ruth ne mibpekirarew ziyà te ubpu te perayan ni Boaz he id-aǥew ni Elimelek.

Ruth 2:3 ပူးပေါင်းရင်းမြစ်များ

2 Samuel 1:6

Midtavak haazà is menguhed pa he etew te, “Hein diyè e pa te Buntud he Gilboa, ne neehè ku si Saul zutun is nesendiǥan din dà is bangkew zin. Ne is menge kuntada zin ne mid-uvey en diyà te kandin is ed-untud te menge kerwahi wey menge kudà.

2 Samuel 20:1

Duen sevaha he etew he tig-Benjamin he layun dà ebpen-ahà te samuk. Iyan ngazan din si Sheba, he anak ni Bicri. Impezaǥing din is budyung ne ebpengulahì te, “Menge tig-Israel, wazè tew lavet ki David he anak ni Jesse! Ebpen-ulì kiw is langun!”

2 Hadì 8:5

Ne zutun te edtudtulen ni Gehazi zutun te hadì ke mibmenumenu ni Elisha te ed-uyag sikan is batà he minatey, ne mid-uvey zutun te hadì sikan is iney zuen te vatà ne midhangyù he tevangi sikandin he mekelikù diyà te kandin is baley zin wey is tanè din. Migkaǥi si Gehazi te, “Mahal he Hadì, iyan heini sikan is bahi, ne iyan heini sikan is anak din he mid-uyag ni Elisha.”

Ruth 2:2

Duen timpu he migkaǥi si Ruth diyà te ki Naomi te, “Tuǥuti a kenikew he edhendiyà a te menge perayan su wey a mekepekirarew te barli. Kela ke zuen etew he idtuǥut din kediey is kebpekirarew ziyà te perayan din.” Ne midtavak si Naomi te, “Uya, bayi, hendiyè ka.”

Ruth 2:4

Ne netegteǥaad dutun, ne nekeuma si Boaz he ebpuun te Betlehem, “Ipata kew te Nengazen,” ke sikandin diyà te menge sakup din. Ne midtavak dan te, “Ipata ka zaan te Nengazen.”