Ruth 2:23 - Manobo Western Bukidnon OT

²³ Ne tenged dutun, wazà si Ruth medhalin, kekenà, diyè dà sikandin mebpekirarew zuma te menge suluǥuen he vahi ni Boaz taman te wazè pa mepasad is ked-eǥani te barli wey trigu. Ne ziyà sikandin med-ubpà te valey te enuǥang din he si Naomi.

Ruth 2:23 ပူးပေါင်းရင်းမြစ်များ

Exodus 9:31

(Nezeetan is menge pinemula zan he flax wey barli su zutun he timpu, nelutuan en is menge barli ne nengevukad en is menge flax.

Erubasa 13:1

Is anak he uluwanen, ebpezumazuma te kebmensuwa kandin te amey zin, piru is anak he sumpalit, ne kenà ebpemineg he edewayen.

Erubasa 13:20

Is etew he uluwanen layun ebpekiduma te iring din he uluwanen, iyan, ebpekebmereǥen mulà is etew he layun ebpekiduma te tulebung.

Deuteronomio 16:9

“Bilang kew te pitu he simana puun te kebpuun te tiraǥun.

Ruth 1:22

Iyan en haazà kebpuun te tiraǥun te barli te kebpekeuma ni Naomi ziyà te Betlehem duma is ambey zin he Ruth he tig Moab.

Ruth 2:22

Ne migkaǥi zutun si Naomi ziyà te ki Ruth te, “Deyzey iyan, bayi, ke ziyè ka pekirarew he zuma te menge suluǥuen din he vahi su emun diyè ka te senge perayan kela ke mepesipalahi ka.”

Ruth 3:1

Ne sevaha he andew, migkaǥi si Naomi ziyà te ki Ruth. Ke sikandin te, “Egkesuatan ku he meesawa ka para zuen ebpekeuyamu kenikew.