Ruth 2:22 - Manobo Western Bukidnon OT

²² Ne migkaǥi zutun si Naomi ziyà te ki Ruth te, “Deyzey iyan, bayi, ke ziyè ka pekirarew he zuma te menge suluǥuen din he vahi su emun diyè ka te senge perayan kela ke mepesipalahi ka.”

Ruth 2:22 ပူးပေါင်းရင်းမြစ်များ

Erubasa 27:10

Kenè nu lipati is emiǥu nu wey is emiǥu te amey nu. Ne emun ebpekebmereǥen ka, kenè nu iyan peleleǥuya is suled nu he nekeziyù kenikew, su tuwas pa he ebpeketavang kenikew is siringan nu, kenà is suled nu he nekeziyù kenikew.

Solomon 1:8

Emun wazè nu metueni, te utew mekempet he vahi, ikula nu is imbayà te menge kerehidu ku pehendiyà te menge tulda te menge vantey te menge kerehidu, ne zutun nu ipepenabtab is menge kambing nu.

Ruth 2:21

Ne migkaǥi zaan si Ruth te, “Ne kenà duen dà taman su migkeǥiyan e zin te, ‘Dini ke zà pekirarew he zuma te menge sakup ku taman te kenè dan pa ebpekepasad te ked-eǥani te parey ku.’ ”

Ruth 2:23

Ne tenged dutun, wazà si Ruth medhalin, kekenà, diyè dà sikandin mebpekirarew zuma te menge suluǥuen he vahi ni Boaz taman te wazè pa mepasad is ked-eǥani te barli wey trigu. Ne ziyà sikandin med-ubpà te valey te enuǥang din he si Naomi.