Ruth 2:20 - Manobo Western Bukidnon OT

²⁰ Ne ke si Naomi te, “Is Nengazen tew, ne kenè din egkelipatan is menge pesarig din dutun te nemematey en wey te menge uuyag pa. Berakat he tuvazi zin si Boaz. Haazà si Boaz, ne kezuzumahi ta; sevaha sikandin te menge etew he zuen dan ketenged te kebpemalu kayi te kenita.”

Ruth 2:20 ပူးပေါင်းရင်းမြစ်များ

2 Samuel 2:5

midsuǥù sikandin diyà te ibpepenudtul ziyà te kandan he egkaǥi te, “Berakat he tuvazi kew te Nengazen te impeehè niw he zekelà is kedmahal niw ki Saul te egalen niw pinaaǥi te kedlevenga niw kandin.

2 Samuel 9:1

Ne sevaha he andew, nenginginsà si David te, “Duen pe be nesamà te pemilya ni Saul he igkepeehè ku kandin is gaǥew ku tenged ki Jonatan?”

Job 19:25

“Piru netuenan ku he is uuyag he Megbevayà iyan edlavan kedì, ne egkeuma is timpu keuzemà te kebpekeuma zin dini te tanà te kedlavan kedì.

Erubasa 17:17

Is elukuy nu, ne egkehizuwan kezin te langun he timpu, wey iyan ketuyuan ke maan is duen nu perinti, para zuen edtavang kenikew te timpu te kelised.

Leviticus 25:25

Emun nepubri is duma niw he Israilihanen, he tenged dutun ingkevelegyè din is tanè din, is megeget he kezuzumahi zin iyan medlekat dutun.

Ruth 2:21

Ne migkaǥi zaan si Ruth te, “Ne kenà duen dà taman su migkeǥiyan e zin te, ‘Dini ke zà pekirarew he zuma te menge sakup ku taman te kenè dan pa ebpekepasad te ked-eǥani te parey ku.’ ”

Ruth 3:12

Tutuu iyan he mesipeg a kenikew, ne zuen ku ketengdanan te ked-elima kenikew, piru zuen edhuna pa he mesipeg nu kenà siak.

Ruth 4:14

Ne migkeǥiyan si Naomi te langun he menge vahi te, “Deliǥa is Nengazen su imbeǥey zin kenikew ǥuntaan is apù nu he ebpekeelima kenikew keuzemà. Berakat he mevantug keuzemà heini is batà te langun he menge zuma tew te menge tig-Israel.

Ruth 4:4

Neisip ku he ibpesayud ku kenikew. Ne emun egkesuatan nu, pemesaha nu kayi te etuvangan kayi te menge etew. Iyan, emun kenè nu egkesuatan, kaǥi ka. Kenikew is ketenged te kebpemesaha kayi, iyan, ke kenè nu ebpemesahan ne kediey en sikan is ketenged.” Ne midtavak dutun haazà is etew te, “Ebpemesahan ku.”

Ruth 4:6

Ne migkaǥi zutun sikan is etew te, “Ne emun iyan haazà, ibeǥey ku kenikew is ketenged su ke ebpemalu a kenà utew zekelà is igkevilin ku te kediey he menge anak. Iyan ka nasì pemasa su kenè ku egkehimu.”