Ruth 2:14 - Manobo Western Bukidnon OT

¹⁴ Ne hein iyan en uras te kegkaan, migkaǥi si Boaz diyà te ki Ruth te, “He bayi, uvey ka kayi. Kaan ka te supas wey izehulit nu kayi te sukà.” Ne hein mibpinuu si Ruth duma te menge ebpemenerebahu mibeǥayan ni Boaz te midsandag he barli. Ne migkaan si Ruth ne hein nahantey en sikandin duen din pa samà.

Ruth 2:14 ပူးပေါင်းရင်းမြစ်များ

2 Samuel 17:28

Duen dan menge uwiten he hizeǥeey, malung, diniyun, trigu, barli, herina, midsandag he veǥas te trigu, lisu he menge utanen, menge velatung,

Salmo 23:5

Ed-endaman a kenikew te keenen diyà te etuvangan te menge kuntada ku. Impurung a kenikew itetepian su midlenahan nu is ulu ku. Ne ebpepezaharan a kenikew te inumen.

Isaias 32:8

Piru sikan is etew he tutuu he dungganen ebpelanu te kebaal te dungganen he menge vaal, ne edtumanen din heini layun.

Isaias 58:7

Beǥayi niw te keenen is egkengevitil, ipeubpè niw ziyà te menge valey niw is menge wazà egkeubpaan, bistiyi niw is menge wazà bisti, wey tevangi niw is menge kezuzumahi niw he ebpenginahanglan.

Deuteronomio 11:15

Ebeǥayan din te penebtavà is menge uyaǥen niw, ne sikiyu zaan, dekelà is keenen niw.

Deuteronomio 8:10

Emun ebpekekaan kew en te minsan hengkey he egkesuatan niw, ne zeliǥa niw is Nengazen he Megbevayè niw tenged te kebeǥayi zin keniyu te utew meupiya he tanà.

Ruth 2:13

Ne ke si Ruth te, “Utew zekelà is hizu nu kediey. Inmeupiya utew te ǥehinawa ku is menge lalag nu he menayù, minsan pa te siak wazè e en mekerepeng te menge suluǥuen nu.”

Ruth 2:15

Ne hein midlikuan din is baal zin, migkaǥi si Boaz diyà te menge sakup din, ke sikandin te, “Tuǥuti niw ke ebpekirarew sikandin minsan dutun te uvey te menge vinagkes. Kenè niw vensaǥi,

Ruth 2:18

Ne zutun mibitbit din kes parey zin ne mid-ulì diyà te inged ne impeehè din te enuǥang din ke sengemenu kezekelà is nekuwa zin. Impeehè din daan haazà is samè din duen te midsandag he barli he wazè din mekaan, ne imbeǥey zin duen te enuǥang din.

1 Samuel 17:17

Sevaha zutun he andew, migkeǥiyan ni Jesse si David te, “Mama, gaanggaan ka telukun te menge kakey nu ziyà te kampu ne uwita nu heini is tengà te saku he midsandag he trigu wey sepulù he vuuk he supas.

1 Samuel 25:18

Wazè en ipelavey ni Abigail is penahun. Mibpekuwa sikandin te 200 he vuuk he supas, wey dezuwa he teleǥuey he lundis he nepenù te vinu, lelima he kerehidu he midtuug wey sengesaku he midsandag he trigu, 100 he akup he pasas wey 200 he akup he ingkagkag he higus. Ne ibpekarga zin heini te menge asnu,