Ruth 2:13 - Manobo Western Bukidnon OT

¹³ Ne ke si Ruth te, “Utew zekelà is hizu nu kediey. Inmeupiya utew te ǥehinawa ku is menge lalag nu he menayù, minsan pa te siak wazè e en mekerepeng te menge suluǥuen nu.”

Ruth 2:13 ပူးပေါင်းရင်းမြစ်များ

Genesis 32:6

Ne hein nekelikù is menge midsuǥù ni Jacob, ke sikandan te, “Midhendiyè key te ki Esau, ne migenat en su edsinuǥungen ke zin. Duen din duma he 400 he menge maama.”

Genesis 33:10

Piru midteǥel ni Jacob, ke sikandin te, “Sigi en, dewata nud haazà. Su emun tutuu he igkeǥaǥew a kenikew dewata nu en is gasa ku kenikew. Su hein kedtengtengi ku te zagwey nu ne henduen be te zagwey te Megbevayà. Ne ǥuntaan te midawat a kenikew,

Genesis 33:15

Ne migkaǥi si Esau te, “Emun iyan heeyan, idtaǥak ku nasì is duma he menge sakup ku kenikew.” Midtavak si Jacob te, “Kenè en kinahanglan. Is impurtanti ne midawat a kenikew.”

Genesis 33:8

Ne mid-insaan ni Esau si Jacob te, “Hengkey is ibpesavut dutun te nesinuǥung ku he grupu te menge uyaǥen nu?” Midtavak si Jacob te, “Ibpayùpayù ku kenikew para mezawat a kenikew.”

Genesis 34:3

Utew zin nesuati si Dina, ne utew zin mibmahal ne midneyneyuan din.

Genesis 43:14

Berakat he pengelinteuwi te Mekeǥeǥehem he Megbevayà he mehizuwi kew zin su wey ituǥut din he mekeulì si Simeon wey si Benjamin. Ne siak, emun iyan imbanglis kediey he egkeewaan e pa te menge anak ku ne kinahanglan he ed-entusen ku.”

2 Samuel 16:4

Migkaǥi si David te, “Emun iyan heeyan, ne ǥuntaan ibeǥey ku kenikew is langun he ǥaked ni Mefiboshet.” Midtavak si Ziba te, “Mahal he Hadì, andam a he ebpenilbi kenikew. Berakat he igkelipey a kenikew.”

Erubasa 15:33

Is kedtehuza te Nengazen iyan ebpekepenurù kenita wey ki mebmetau, ne kenè ki egkezeliǥan emun ebpelavew ki.

Hoseas 2:16

Migkeǥiyan te Nengazen is menge Israilihanen te, “Dutun he timpu te kedlikù niw kayi te kedì, egngezanan a keniyu te esawa niw, ne kenà ad keniyu egngezanan he egalen niw.

Zatù 19:3

Ne midisisyun sikan is Levihanen he edtelukunan din haazà is esawa zin ne edhengyuan din he ed-uman sikandan ebpeemurà. Umbe migenat sikandin duma te sevaha he suluǥuen din wey zezuwa he asnu. Ne hein nekeume en sikandin, impelaus sikandin duen te vahi. Ne hein naahà sikandin duen te amey te vahi, mibpurungan din sikandin seǥipaa.

Ruth 2:12

Berakat he suhuli ka te Nengazen tenged te meupiya he mid-ulaula nu. Berakat he utew lavew is kedtuvazi kenikew te Nengazen he Megbevayà he Megbevayà te Israel, su mid-aput ka zini te kandin.”

Ruth 2:14

Ne hein iyan en uras te kegkaan, migkaǥi si Boaz diyà te ki Ruth te, “He bayi, uvey ka kayi. Kaan ka te supas wey izehulit nu kayi te sukà.” Ne hein mibpinuu si Ruth duma te menge ebpemenerebahu mibeǥayan ni Boaz te midsandag he barli. Ne migkaan si Ruth ne hein nahantey en sikandin duen din pa samà.

1 Samuel 1:18

Migkaǥi si Hana te, “Datù, selamat te ketulanged nu kedì.” Ne zutun migenat, ne migkaan en human sikandin ne mibmeupiye en is gehinawa zin.

1 Samuel 25:41

Ne midluhud si Abigail ebpesavut he midtahud din sikandan he egkaǥi te, “Uya, ebpemineg a. Andam a he ebpenilbi kandin minsan diyà te menge suluǥuen din.”