Ruth 2:12 - Manobo Western Bukidnon OT

¹² Berakat he suhuli ka te Nengazen tenged te meupiya he mid-ulaula nu. Berakat he utew lavew is kedtuvazi kenikew te Nengazen he Megbevayà he Megbevayà te Israel, su mid-aput ka zini te kandin.”

Ruth 2:12 ပူးပေါင်းရင်းမြစ်များ

Salmo 17:8

Ilikey a kenikew te kezeetan iring te kedlikaya te etew te mata zin wey kenà mesazir, ne pengelangi a kenikew iring te kebpengalang te tagbis te menge anak din pinaaǥi te kedlekupi zin kandan.

Salmo 19:11

Pinaaǥi kayi, Nengazen, egkeleǥuyan a is suluǥuen nu. Ne emun edtumanen ku heini ne mahabet is keupiyaanan he egkekuwa ku.

Salmo 36:7

Megbevayè ku, utew mahal is gaǥew nu. Ebpengelangan nu is menge etew iring te kedlekupi te tagbis te pispis din.

Salmo 57:1

Kehizuwi a, Megbevayè ku, su ziyà a te kenikew med-aput, iring a te pispis te tagbis he ebpelekup te iney zin. Ed-aput a ziyà te kenikew taman te wazè en bangkit.

Salmo 58:11

Dutun ebpekekaǥi is menge etew te, “Tutuu iyan he zuen suhul te menge metazeng; ne zuen Megbevayà he edhukum te menge etew kayi te kelibutan.”

Salmo 61:4

Ipeubpà a ziyà te valey nu te wazà pidtemanan. Ipaaput a ziyà te kenikew iring te kebpeeputa te tagbis te menge pispis din pinaaǥi te kedlekupi zin kandan.

Salmo 63:7

su iyan ka midtavang kedì. Ne ed-ugyab a te kegkelipey zutun te kebpeeputa nu kedì diyà te kenikew he iring te kedlekupi te tagbis te menge pispis din.

Salmo 91:4

Edlekupan ke zin iring te piyak ne wazà ebpekekaid kenikew. Is kebmetinumanen din iyan kelasag nu wey pengalang nu.

Erubasa 11:18

Is lalung he etew, kunaan din ke meupiya is suhul kandin, iyan, meupiya mulà is suhul te etew he meupiya is menge ulaula zin.

Erubasa 23:18

Su emun edtehuzen nu sikandin, tutuu iyan he zuen meupiya he egkeperateng nu; kenà egkehimu he wazà pulus te menge tinguhè nu.

Jeremias 31:16

Piru guntaan migkaǥi is Nengazen te, “Kenè ke en meiinek su edsuhulan ku sikew tenged te menge vaal nu. Ed-ulì is menge anak nu puun te tanà te menge kuntada zan.

Ruth 1:16

Piru midtavak si Ruth te, “Kenà a kenikew teǥela te ked-ulì. Su ke hendei ka ebpevayà, eduma a kenikew ke hendei ka ed-ubpà, dutun a zaan ebpekeubpà. Is menge minahal nu he etew, ebmahalen ku zaan. Is ed-ezapen nu he Megbevayà, ed-ezapen ku zaan.

Ruth 2:11

Ne midtavak si Boaz te, “Geina te netudtulan a te langun he tavang nu te enuǥang nu puun dutun te timpu he minatey is esawa nu. Netuenan ku he mid-ewaan nu is amey nu wey iney nu wey inged nu ne mid-ulì ka kayi te kenami he kenè nu egkengekilala.

Ruth 2:13

Ne ke si Ruth te, “Utew zekelà is hizu nu kediey. Inmeupiya utew te ǥehinawa ku is menge lalag nu he menayù, minsan pa te siak wazè e en mekerepeng te menge suluǥuen nu.”

Ruth 4:15

Mahal ka ziyà te ǥehinawa te ambey nu ne minsan pa ke pitu pa is menge anak nu he maama kenà egkehimu he egkelevawan dan is tavang kenikew ni Ruth. Ne ǥuntaan pinaaǥi kandin mid-apù ke en. Pinaaǥi kayi te vatà meupiya zed is kebpekesavuk nu keuzemà ke ebmeǥurang ka su iyan ed-elima kenikew.”

1 Samuel 24:19

Is duma mulà emun egkeehè dan is kuntada zan, ne kenè dan heini ebpesegdanen he mekepelaǥuy. Iyan is Nengazen ebales te keupiya nu he impeehè nu kedì guntaan.

1 Samuel 24:20

Netuenan ku he egkehimu ka he hadì, ne is ginhedian te Israel ne ebmelig-en pinaaǥi te kenikew he kedumala.