Ruth 1:3 - Manobo Western Bukidnon OT

³ Ne hein diyè dan pa ed-ubpà te Moab minatey si Elimelek ne netaǥak si Naomi wey is menge anak din.

Ruth 1:3 ပူးပေါင်းရင်းမြစ်များ

2 Hadì 4:1

Duen balu he vahi he is esawa zin he minatey sevaha he sakup te grupu te menge ebpeneuven. Ne sevaha he andew, mibuyù sikandin te tavang diyà te ki Elisha. Ke sikandin te, “Minatey en is esawa ku he suluǥuen nu ne netuenan nu he edtahud sikandin te Nengazen. Ne ǥuntaan nekeuma is etew he neutangan din ne egkuwaan din is tanè dey wey is dezuwa he anak dey he menge maama ne ed-uripenen din su iyan kun sikandan bayad te utang te esawa ku.”

Salmo 34:19

Minsan mahabet is menge mereǥen he egkehitavù diyà te etew he metazeng, iyan, edlibriyen sikandin te Nengazen te langun dutun.

Ruth 1:2

Iyan ngazan dutun te maama, si Elimelek. Is esawa zin ne si Naomi, ne is menge anak din, ne si Mahlon wey si Kilion. Menge kevuwazan sikandan ni Efrata he tig-Betlehem he inged te Juda.

Ruth 1:4

Ne haazà is menge anak ni Naomi, ne mibpengesawa te menge vahi he tig-Moab. Is ngazan te sevaha he vahi, ne si Orpah, ne is ngazan te sevaha, ne si Ruth. Ne hein menge sepulù en he tuig is ked-ubpè dan dutun te Moab,