Ruth 1:13 - Manobo Western Bukidnon OT

¹³ edteǥazan niw pa sikandan he ebpendezekelà? Kenè kew en be ebpeesawa tenged dà kandan? Kenà egkehimu, menge ambey. Is tutuu, lavew pa he mereǥen is egkeulaula ku kenà sikiyu, su impaantus a te Nengazen.”

Ruth 1:13 ပူးပေါင်းရင်းမြစ်များ

Genesis 38:11

Ne migkeǥiyan ni Juda haazà is ambey zin he si Tamar te, “Ulì ka zèpa ziyà te amey nu, ne kenè ka mebpeesawa taman te egkenakan en si Shela.” Migkaǥi haazà ni Juda su nahandek sikandin he kela ke mebpatey zaan si Shela iring duen te menge suled din. Umbe mid-ulì dèpa si Tamar ziyà te amey zin.

Job 19:21

“Kehizuwi a keniyu, te menge emiǥu ku, su edresayen a te Megbevayà.

Salmo 32:4

Su maandew wey mezukilem is kedsiluti nu kedì; naawè en is desen ku ne henduen be te nekagkag a te meinit he andew.

Salmo 38:2

Henduen be te mibpanà a kenikew wey midlepadu te mesakit.

Deuteronomio 2:15

Midsilutan sikandan te Nengazen taman te naamin din sikandan te ebpenhimatey ziyà te kampu zan.

Zatù 2:15

Emun ebpekidtebek sikandan, ibpepildi sikandan te Nengazen, sumalà is migkaǥi zin. Umbe utew zan midlised.

Ruth 1:14

Ne zutun, mid-uman dan en maan medsineǥew ne si Orpah, midhezekan din si Naomi is enuǥang din su egenat en, iyan, si Ruth mulà, wazà sikandin medsuwey ki Naomi.

Ruth 1:21

Su hein mid-awà a kayi, mezakel is ingkelipey ku, iyan, guntaan te impeulì e en te Nengazen, wazè ku en igkelipey. Kenà a keniyu ngezani te ‘Noemi,’ su is Nengazen he Mekeǥeǥehem impaantus e zin.”

1 Samuel 5:11

Ne impetawag dan is langun he menge pengulu te menge Filistihanen ne migkeǥiyan dan te, “Ilikù niw heini is Kavan te Kebpekid-uyun te Megbevayà te Israel ziyà te kandin he lugar, su emun kenè niw idlikù ne egkengeǥerè key is meǥinged kayi.” Iyan heini hangyù dan tenged te utew zan neherati su mibpuun en medsilut is Megbevayà kandan su mezakel en is nemematey kandan.