Numero 9:20 - Manobo Western Bukidnon OT

²⁰ Duen timpu he egkepipira zà he andew is kenà ked-awà duen te ǥapun diyà te zivavew zuen te tulda ne egkepipira zà daan he andew is kenè dan kebpekeǥenat. Ne edhipanew en maan sikandan sumalà te idsuǥù te Nengazen.

Numero 9:20 ပူးပေါင်းရင်းမြစ်များ

Salmo 48:14

he is Megbevayà he edsilbiyan tew ǥuntaan iyan kes Megbevayè tew te wazà pidtemanan. Iyan sikandin egiya kenitew te wazà pidtemanan.

Erubasa 3:5

Purung ka sarig te Nengazen ne kenè nu iyan seriǥi is kenikew he keugelingen he ketau.

Erubasa 3:6

Minsan hengkey is ed-ul-ulahan nu ne isipa nu is Nengazen, ne iyan sikandin metau wey nu iyan meikul is metandang he zalan.

Numero 10:13

Iyan heini nehuna he timpu te kedhipanew zan, he sumalà te suǥù te Nengazen pinaaǥi ki Moises.

Numero 9:18

Umbe, midhipanew wey migkampu is menge Israilihanen sumalà te insuǥù kandan te Nengazen. Kenè dan edhipanew emun dutun pa te zivavew te tulda sikan is gapun.

Numero 9:19

Minsan meluǥayad he timpu is kenà ked-awà duen te ǥapun diyà te zivavew zuen te Tulda, ne kenà sikandan egenat; edtaǥad sikandan te idsuǥù te Nengazen.

Numero 9:21

Usahay sengekezukileman dà is kenà ked-awà duen te ǥapun, ne sunud he andew ne ebpeketikang en heini, ne egenat en daan is menge Israilihanen. Maandew etawa mezukilem egenat is menge Israilihanen basta ebpezivavew haazà is gapun.

Deuteronomio 7:21

Kenè kew mahandek kandan su zuma niw is Nengazen he Megbevayè niw, ne mekeǥeǥehem sikandin wey egkein-inuwan he Megbevayà.