Numero 9:16 - Manobo Western Bukidnon OT

¹⁶ Iyan heini layun egkehitavù–emun maandew ebpekeliǥuy heini zuen te tulda ne emun mezukilem ed-anlag heini iring te hapuy.

Numero 9:16 ပူးပေါင်းရင်းမြစ်များ

Nehemias 9:12

Emun maandew egiyahan nu sikandan pinaaǥi te mekepal he ǥapun he egkeiring te tukud, ne emun mezukilem pinaaǥi te regreg he egkeiring te tukud, su para meteyawi is ibayè dan.

Nehemias 9:19

Piru tenged te zekelà he hizu nu kandan, wazè nu sikandan bey-ani ziyà te sibsivayan. Wazè nu iawà sikan is mekepal he ǥapun he egiya kandan emun maandew, wey sikan is regreg he edtayew te edhipenawan dan emun mezukilem.

Salmo 105:39

Dutun te timpu te kedhipanew te menge tig-Israel, midsavuk is Megbevayà te ǥapun su para melembungi sikandan wey hapuy he ebpeketayew kandan emun mezukilem.

Salmo 78:14

Emun maandew, egiyahan din sikandan pinaaǥi te ǥapun, ne te mezukilem, ne pinaaǥi te kerayag te hapuy.

Exodus 40:34

Ne hein nepasad heini is langun netembunan te ǥapun sikan is Tulda he Edtelevukaayan he tuus te zutun is Nengazen.

Exodus 40:38

Sikan is gapun he simbulu he zutun is Nengazen he kenà ed-awà diyà te zivavew zuen te Tulda emun maandew, ne emun mezukilem duen dutun hapuy he ǥapun su para maahà heini te langun he Israilihanen dutun te kedhipanew zan.