Numero 8:7 - Manobo Western Bukidnon OT

⁷ Iyan heini veeli nu te kedlumpiyu kandan: Piriki nu sikandan te wahig he ǥelemiten te kedlumpiyu ne pekiskisi nu is tivuuk he lawa zan wey pepìpii nu is menge visti zan. Ne kegkepesad dutun ed-isipen en sikandan he lumpiyu.

Numero 8:7 ပူးပေါင်းရင်းမြစ်များ

Genesis 35:2

Umbe migkeǥiyan ni Jacob is tivuuk he pemilya zin wey is langun he menge sakup din te, “Ipenimbag niw is menge ed-ezapen niw. Mebpenlumpiyu kew te keugelingen niw ne ilisi niw is bisti niw.

Salmo 51:2

Lùlui nu is kegkezaat ku; lumpiyuwi a te menge salè ku.

Salmo 51:7

Iawè nu is menge salè ku su wey a melumpiyuwi; lùlui a su wey a mebmeputì.

Exodus 19:10

migkaǥi pa is Nengazen diyà te kandin te, “Hendiyè ka te kandan ne keǥiyi nu sikandan he mebpekelumpiyu sikandan guntaan wey keeselem. Kinahanglan he pemìpii zan is menge visti zan.

Isaias 52:15

Minsan is menge meǥinged diyà te menge nasyun ne egkeinuinu zaan kandin. Kenà ebpekekaǥi is menge hadì mehitenged kandin, su egkeehè dan man is wazà keǥiya kandan, wey egkesavut dan is wazè pa keenu metudtul.”

Jeremias 4:14

“Menge tig-Jerusalem, lumpiyuwi niw is kezaat te gehinawa niw su wey kew melibri. Ebpedayun en be is kezaat te isip niw?

Ezekiel 36:25

Ed-itisan ku sikiyu te lumpiyu he wahig para maawà diyà te keniyu is langun he meremerik, ne kenè kew en ed-uman ed-azap te zuma he menge ed-ezapen.

Leviticus 15:27

Ne is minsan hentei he ebpekesamsam kayi egkehimu he meremerik. Kinahanglan he pìpii zin is bisti zin wey mebpemeziǥù, piru ed-isipen pa ǥihapun sikandin he meremerik taman te egkesakep.

Leviticus 16:28

Is etew he edtutung kayi kinahanglan he ebpìpian din dèpa is bisti zin wey mebpemeziǥù te kenè pa sikandin edlikù diyà te kampu.

Leviticus 8:6

Miduma zin diyà te teliwazà si Aaron wey is menge anak din, ne impepemeziǥù din sikandan.

Numero 19:13

Is minsan hentei he ebpekeǥawed te minatey he kenè din edlumpiyuwan is keugelingen din ne midremerikan din is Tulda te Nengazen. Kinahanglan he haazà he etew, kenà ed-isipen he sakup niw. Ne tenged te wazà sikandin mepiriki zuen te wahig he egemiten te kebpenlumpiyu, kenà egkaawà is kegkeremeriki kandin.

Numero 31:20

Lumpiyuwi niw is langun he menge visti niw, ragkes en is langun he gelemiten niw he lundis, bulvul te kambing etawa kayu.”

Numero 8:21

Midlumpiyuwan te menge kevuwazan ni Levi is keugelingen dan, wey mibpìpian dan is menge visti zan. Ne impehinungud sikandan ni Aaron diyà te etuvangan te Nengazen he ispisyal he halad, ne mibeelan ni Aaron is tulumanen he para mevelukasi is menge salè dan, wey para meisip en sikandan he lumpiyu.