Numero 8:20 - Manobo Western Bukidnon OT

²⁰ Umbe, mibeelan eni Moises, Aaron, wey te tivuuk he keet-etawan te Israel is insuǥù te Nengazen ki Moises he ebeelan diyà te menge kevuwazan ni Levi.

Numero 8:20 ပူးပေါင်းရင်းမြစ်များ

Exodus 12:50

Midtuman te langun he menge Israilihanen is insuǥù te Nengazen diyà te ki Moises wey ki Aaron.

Numero 1:50

Kekenà, iveǥey kandan he ketengdanan is kedumala zuen te Tulda he Ed-ezapan he zutun itaǥù sikan is Kesuǥuan, wey is langun he ǥelemiten kayi. Iyan sikandan ed-uwit dutun te Tulda wey te langun he ǥelemiten kayi. Kinahanglan he ed-etimanen dan heini, ne kinahanglan he ziyè dan megkampu te ebpekeliǥuy kayi.

Numero 1:54

Mibeelan heini is langun te menge Israilihanen sumalà te insuǥù te Nengazen ki Moises.

Numero 8:19

Diyà te langun he menge Israilihanen, iyan is menge kevuwazan ni Levi mibpilì ku he ebpekeuǥup ki Aaron wey te menge anak din. Ebpenilbi sikandan diyà te Tulda he Edtelevukaayan para te menge Israilihanen, ne iyan sikandan ebaal te menge tulumanen he para mevelukasi is salà te menge Israilihanen, su para wazà kezeetan he egkehitavù kandan emun ed-uvey zan duen te Tulda he Edtelevukaayan.”

Numero 8:21

Midlumpiyuwan te menge kevuwazan ni Levi is keugelingen dan, wey mibpìpian dan is menge visti zan. Ne impehinungud sikandan ni Aaron diyà te etuvangan te Nengazen he ispisyal he halad, ne mibeelan ni Aaron is tulumanen he para mevelukasi is menge salè dan, wey para meisip en sikandan he lumpiyu.

Numero 9:22

Emun kenà ed-awà haazà is gapun diyà te zivavew zuen te tulda seled te zezuwa he andew etawa senge vulan etawa senge tuig, kenà daan ed-awà is menge Israilihanen diyà te kampu zan, iyan, emun ebpezivavew haazà is gapun ne segugunè dan egenat.

Numero 9:5

Mibeelan dan is kedsilibra zutun diyà te sibsivayan he Sinai hein mibpuun is ike-14 he andew te egkehuna he vulan. Mibeelan heini te langun he menge Israilihanen sumalà te insuǥù te Nengazen ki Moises.