Numero 8:17 - Manobo Western Bukidnon OT

¹⁷ Su kediey is langun he kinekekayan he menge maama te menge Israilihanen, etew man etawa uyaǥen. Hein mibpenhimetayan ku is langun he kinekekayan he menge anak he maama te menge Ehiptohanen, insivey ku en he para kediey is langun he menge anak he maama te menge Israilihanen.

Numero 8:17 ပူးပေါင်းရင်းမြစ်များ

Salmo 105:36

Mibpenhimetayan te Megbevayà is langun he kinekekayan he menge anak dan he maama.

Salmo 135:8

Mibpenhimetayan din is kinekekayan he menge anak he maama te menge tig-Ehipto, wey is kinekekayan he menge anak te menge uyaǥen dan.

Salmo 78:51

Mibpenhimetayan din is langun he penganey he menge anak he maama diyà te Ehipto, he iyan kes menge kevuwazan ni Ham.

Exodus 12:29

Ne hein liwazè en is kezukileman, midhimetayan en te Nengazen is langun he penganey he menge anak he maama diyà te Ehipto, puun te penganey he anak te hadì, he iyan pezem ebpekeilis kandin te kedhadì, pehendiyà te penganey te menge pinirisu ziyà te pirisuwan wey is langun he penganey te menge uyaǥen.

Exodus 13:2

“Ipehinungud niw kedì is kada penganey he maama te menge anak niw wey is kada meemahan he egkehuna he anak te menge uyaǥen niw su migaked ku en heini.”

Exodus 29:44

Edhimuwen ku he segradu sikan is Tulda he Edtelevukaayan wey sikan is pemuhatà dutun, ne edhimuwen ku si Aaron wey is menge anak din he maama, he selakew keniyu su iyan mulà kandan he vaal is kebpemuhata kediey.

Ezekiel 20:12

Impetuman ku zaan kandan is Andew te Kedhimeley he tuus te paaǥi te kedepitè dey. Ebpetanudtanud heini kandan he iyan a, is Nengazen mibpilì kandan wey zan mehimu he menge etew ku.

Leviticus 27:26

Is egkehuna he anak te uyaǥen ne ǥaked te Nengazen, umbe kenè en heini kinahanglan he idhalad diyà te kandin su zaan he kandin.

Numero 3:13

Su kediey man is langun he kinekekayan he maama kayi te Israel. Hein mibpenhimetayan ku is langun he kinekekayan he maama ziyà te Ehipto, ne intapid ku en he para kedì is langun he kinekekayan he maama kayi te Israel, etew etawa uyaǥen. Umbe ǥaked ku sikandan. Iyan a kes Nengazen.”

Numero 8:18

Ne migkuwa ku is menge kevuwazan ni Levi he ilis te langun he kinekekayan he menge maama te menge Israilihanen.