Numero 7:10 - Manobo Western Bukidnon OT

¹⁰ Is menge pengulu, mid-uwit daan te kandan he menge halad he para te kebpehinunguza zuen te pemuhatà emun ibpehinungud en heini.

Numero 7:10 ပူးပေါင်းရင်းမြစ်များ

1 Hadì 8:63

Nemuhat dan te pemuhat he para te meupiya he kedepità. Is kezakel te impemuhat dan 22,000 he vaka wey 120,000 he menge kerehidu wey menge kambing. Pinaaǥi kayi impehinungud duen te hadì wey te menge Israilihanen diyà te Nengazen sikan is baley te Nengazen.

2 Cronica 7:5

Nemuhat dan te 22,000 he menge vaka wey 120,000 he menge kerehidu wey menge kambing. Te heini he paaǥi impehinungud duen te hadì wey langun he menge keet-etawan haazà is baley te Megbevayà.

2 Cronica 7:9

Hein ikewalu en he andew, mibeelan dan is ketepusan he keburunburun, su midsilibra zan is kebpehinunguza zuen te pemuhatà wey te tivuuk he valey te Nengazen seled te pitu he andew, wey te kedsilibra te Pista te Kebaal te menge Lawig seled daan te pitu he andew.

Nehemias 12:27

Hein timpu te kebpehinunguza te verengbeng te Jerusalem, impetawag is menge Levihanen diyà te ed-ubpaan dan. Impehendiyà sikandan te Jerusalem su wey zan meketampu te melipayen he kedsilibra te kebpehinunguza zuen te verengbeng pinaaǥi te kegkanta te menge kentahan te kebpeselamat wey kedtukar te menge simbal, alpa, wey lira.

Nehemias 12:43

Dutun he andew, nemuhat sikandan te mezakel he menge pemuhat wey midlipeylipey zan, su utew sikandan midlipey te Megbevayà. Ragkes he midlipey is menge vahi wey menge vatà. Umbe is keǥurub te kedlipey zan ne egkezineg pa ziyà te meziyù.

Salmo 30:1

Edeliǥen ku sikew, Nengazen, su midlibri a kenikew te kezeetan ne wazè nu ituǥut he mekezayandayan is menge kuntada ku tenged te kebpekesavuk ku.

Numero 7:1

Hein ingkepelastar en ni Moises sikan is Tulda he Ed-ezapan, mibpirikan din heini te lana, ne impehinungud din ragkes en is langun he menge gelemiten kayi. Iyan daan heini mibeelan din duen te tulda he iring ded te mibeelan din duen te pemuhatà wey is langun he ǥelemiten kayi.

Numero 7:11

Migkeǥiyan te Nengazen si Moises te, “Kinahanglan he kada andew, zuen sevaha he pengulu he ed-uwit te halad din he para te kebpehinunguza zuen te pemuhatà.”

Numero 7:84

Iyan heini sikan is langun he menge halad duen te 12 he pengulu te menge Israilihanen he para te kebpehinunguza zuen te pemuhatà: 12 he pelata he menge bendihadu, 12 he pelata he menge yehung, wey 12 he vulawan he menge tasa.

Numero 7:88

Is menge uyaǥen he pemuhat he para te meupiya he kedepità: 24 he tudu he vaka, 60 he meemahan he menge kerehidu he meǥurang en, 60 he meemahan he menge kambing, wey 60 he meemahan he menge kerehidu he tig senge-tuig pa is keǥurang dan. Iyan heini kes langun he menge pemuhat he para te kebpehinunguza zuen te pemuhatà.

Deuteronomio 20:5

“Ne zutun egkaǥi is menge upisyal te menge sundaru te, ‘Ke zuen keniyu veǥu pa he nekevangun te valey zin he wazè din pa ikepehinungud diyà te Nengazen, ne med-ulì sikandin su kela ke mepatey sikandin te tebek ne sengeeetew en is ebpekepehinungud duen te valey zin.