Numero 6:4 - Manobo Western Bukidnon OT

⁴ Dutun te Nazareo sikandin, kinahanglan he kenà sikandin megkaan te minsan hengkey he ebpuun diyà te paras, minsan lisu zin etawa luwit din.

Numero 6:4 ပူးပေါင်းရင်းမြစ်များ

Numero 6:21

“Iyan heini sulunuzen he para te sevaha he Nazareo. Piru emun edsaad is sevaha he Nazareo he ebpemuhat sikandin diyà te Nengazen he ebpesubrahan din is ibpetuman kandin he penaad he egkehimu he Nazareo, kinahanglan he edtumanen din heini.”

Numero 6:3

kinahanglan he kenà sikandin med-inum te vinu he paras wey te zuma pa he ebpekelangut he menge inumen. Kenà daan sikandin megamit te sukà he paras, wey te sukà he iyan mibeelan is duma pa he ebpekelangut he inumen. Ne kenà sikandin med-inum te wahig te paras wey kenà megkaan te wazà genguwa etawa migangu he paras.

Numero 6:5

“Kenè din daan petempezi is bulvul zin dutun te wazè din pa mepasad is penaad din te kebpenilbi te Nengazen. Kinahanglan he idsivey sikandin he para te Nengazen taman te egkepasad is timpu te penaad din, ne vey-ani zin en ke ebmelayat is bulvul zin.

Zatù 13:14

Kenà sikandin megkaan te minsan hengkey he ebpuun diyà te paras. Kenà daan sikandin med-inum te vinu etawa minsan hengkey he klasi te inumen he ebpekelangut wey kenà megkaan te minsan hengkey he keenen he ed-isipen he meremerik. Kinahanglan he edsunuzen din is langun he migkaǥi ku ziyà te kandin.”