Numero 5:9 - Manobo Western Bukidnon OT

⁹ Is langun he segradu he menge gasa he ed-uwiten te menge Israilihanen diyà te memumuhat, gaked en te memumuhat.

Numero 5:9 ပူးပေါင်းရင်းမြစ်များ

Exodus 29:28

Kenà egkahalin is paaǥi ku he iyan heini: Emun ebpemuhat is menge etew ku te menge pemuhat he para te meupiya he kedepità, ne sikan is kumeng wey buvun duen te ayam he ibpemuhat kinahanglan he ibeǥey ziyà te menge memumuhat.

Leviticus 10:13

Diyè niw zà heini keena te segradu he lugar su iyan heini keniyu he vahin puun te menge pemuhat pinaaǥi te hapuy. Iyan heini insuǥù te Nengazen kediey.”

Leviticus 10:14

“Is imbayew he kumeng wey vuvun te uyaǥen he impemuhat diyà te Nengazen he egkehimu he ǥaked te menge memumuhat, ne keena nu zuma te tivuuk he pemilya nu. Keena niw heini ziyà te minsan hendei he lugar he ed-isipen tew he lumpiyu. Imbeǥey heini keniyu he vahin niw puun te menge pemuhat te menge Israilihanen he para te meupiya he kebpekidepità.

Leviticus 10:15

Emun ebpemuhat is menge Israilihanen, ne ipemuhat dan is kumeng wey is buvun te uyaǥen ragkes is menge tavà he ibpemuhat dan he pemuhat pinaaǥi te hapuy. Ne is kumeng wey is buvun ne ivayew zan diyà te etuvangan te Nengazen he pemuhat he ibayew. Iyan heini vahin nu wey te menge anak nu taman te taman, sumalà te insuǥù te Nengazen.”

Leviticus 6:26

Is memumuhat he ebpemuhat kayi, kinahanglan he megkaan kayi ziyà te lama te Tulda he Edtelevukaayan, kes segradu he lugar.

Leviticus 7:32

Is kewanan he vuvun duen te uyaǥen ne ibeǥey ziyà te memumuhat he nemuhat te lengesa wey tavà kayi.

Leviticus 7:34

Ibeǥey te Nengazen is kumeng wey is buvun te pemuhat niw ziyà te menge memumuhat he si Aaron wey is menge kevuwazan din. Iyan heini vahin he edewaten dan diyà te keniyu taman te taman.

Numero 18:19

Uya, ibeǥey ku keniyu heini is langun he menge segradu he pemuhat he ibayew te menge Israilihanen kayi te kedì. Para heini kenikew wey te menge kevuwazan nu he iyan keniyu he vahin taman te taman. Iyan heini kebpekid-uyun ku kenikew wey te menge kevuwazan nu he kenà egkahalin taman te taman.”

Numero 31:41

Imbeǥey ni Moises diyà te ki Eleazar he memumuhat is vahin te Nengazen sumalà te insuǥù kandin te Nengazen.

Numero 5:8

Piru ke minatey en haazà is etew he neveelan te mezaat, ne wazà daan megeget he kezuzumahi zin he iyan edawat kayi he vayad, ne haazà is bayad gaked en te Nengazen, ne kinahanglan he ibeǥey haazà diyà te memumuhat duma te kerehidu he ibpemuhat dutun te memumuhat su para mepesaylu is salà dutun he etew.

Deuteronomio 12:26

“Uwita niw ziyà te lugar he ebpilien te Nengazen is segradu he menge pemuhat wey is halad he insaad niw ziyà te kandin.